Isaías 45:7 - CHUYA QELLQA La Biblia en Quechua de Ayacucho 2012

⁷ Achkiytapas tutayaytapas ñoqallam paqarichini, hawkayaytapas sasachakuytapas ñoqallam rikurichini, ñoqa Tayta Diosmi tukuy chaykunata ruwani, nispa.

Quechua Ayacucho Bible 1987

⁷ Achkiytapas tutayaytapas ñoqallam unancharqani. Ñoqallam rurani hawkayayta. Ñoqallam unanchani desgraciata. Ñoqa Tayta Diosmi rurani tukuy chaykunata.

Chuya Qellqa 1992

⁷ Achkiytapas tutayaytapas ñoqallam paqarichini, hawkayaytapas sasachakuytapas ñoqallam rikurichini, ñoqa Tayta Diosmi tukuy chaykunata ruwani.

Isaías 45:7 Iomraidhean Croise

2~Reyes 19:25

¿Manachum uyarirqanki ñawpaqmantaraq ñoqa Tayta Dios chaykuna ruwasqayta? ¿Wiñaymantaraq ñoqa Tayta Dios chaykuna tanteasqayta? Kunanmi chaykunata ruwachkani. Chaymi murallasqa llaqtakunata tuñichirqanki, hinaspam rumikunata monturqanki.

Jobwan Sutichasqa Libro 10:13

Chaywanpas qamqa sonqoykipim pakarqanki, chaytaqa yachanim yuyaymanayllaykipi kasqanta:

Jobwan Sutichasqa Libro 2:10

Hinaptinmi Job nirqa: ¡Mana yuyayniyuq warmikuna hinam rimarunki! Allin kaqkunata Diosmanta chaskichkaspaqa, ¿manachum mana allin kaqkunataqa chaskichwan karqa? nispa. Tukuy chaykuna rimasqanwanpas Jobqa manam huchallikurqachu.

Jobwan Sutichasqa Libro 34:29

Sichum Dios upallaruptin ¿pitaq payta acusanman? Sichum Dios uyanta pakaykuptin ¿pitaq qawayta atinman? Diosqa llaqtakunatapas runakunatapas qawachkanmi,

Éxodo 14:20

Egipto tropakunapa campamentonpa hinaspa Israel tropakunapa campamentonpa chawpinpim chay puyu churakuykurqa, chaymi Egipto runakunapaq tutayay karqa, Israel runakunapaqñataq achkiy; chaynapim chay tuta, israel runakunata Egipto tropakuna mana haypayta atirqakuchu.

Isaías 31:2

Diosqa ancha yachayniyuqmi, sasachakuytaqa apamunqapunim, rimasqantaqa ruwanqam. Mana allin ruwaqpa aylluntam yanapaqninkunatawan kuskata chinkarachinqa.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 47:11

Ñakariymi chayamusunki, manam maymanta hamusqantapas yachankichu, chay llakimantaqa layqa kaynikipas manam harkasunkichu; qonqayllamantam tuñichisunki, chayna tarikuruytaqa manam yachakurqankichu.

Jeremías 10:16

Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Jeremías 31:35

Punchawpi achkinanpaq inti churaqmi, tuta achkinanpaq killatawan chaskakunata churaqmi, lamar qochata kuyuchispan olankunata qaparichiqmi, Tukuy Atiyniyuq Tayta Diosmi kaynata nin:

Jeremías 51:20

Tayta Diosmi Babilonia nacionta kaynata nin: Maqanay arma hinam qamqa kanki, Guerrapi peleanay arma hinam qamqa kanki. Qanwanmi nacionkunata purmachini, qanwanmi munaychakuykunata tuñichini.

Lamentaciones 3:38

¿Manachu hanaq pachamanta runapa allinninpaq kaqpas otaq mana allinninpaq kaqpas hamun?

Ezequiel 32:8

Qam wañuptikim cielokunapi llapallan kanchaqkunatapas tutayarachisaq, nacionnikitapas tuyayaywanmi pampaykusaq. Ñoqa Tayta Diosmi chaynata nini.

Daniel 2:22

Payllam sasa entiendena kaqkunata runakunaman yachachin, pakasqa kaqkunatapas reqsichin. Payqa tutayaypiña kaqkunatapas reqsinmi, achkiypas paywanmi tarikun.

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Amós 5:6

Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Nahúm 1:8

Contranpi hatariqkunatam ichaqa lloqlla hinaraq chinkarachin, enemigonkunataqa tutayaypipas qatikachanmi.

Hechos 4:28

Chaynataqa ruwarqaku ñawpaqmantaraq qampa munasqayki cumplikunanpaqmi.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Judas 1:13

Lamar qochapa olan pusoqarichkaq hinaraqmi paykunapa penqakuyninqa sutilla kachkan. Yanqa puriq chaskakuna hina kasqankuraykum wiñaypaq tutayayman wischusqa kanqaku.

Judas 1:6

Chaynataqmi pim kasqankutawan hinaspa maypi kasqanku wasinkuta saqeruq angelkunatapas, Diosqa tutayaypi wiñaypaq cadenarurqa hatun juicio punchawpaq.