Isaías 45:5 - CHUYA QELLQA La Biblia en Quechua de Ayacucho 2012

⁵ Ñoqam Tayta Diosqa kani, ñoqamanta sapaq Diosqa manam kanchu. Mana reqsiwachkaptikipas ñoqam kallpanchasqayki.

Quechua Ayacucho Bible 1987

⁵ Ñoqallam Tayta Diosqa kani, manam hukqa kanchu. Ñoqamanta sapaq Diosqa manam kanchu. Ñoqam armakunawan churachisqayki. Mana reqsiwachkaptikipas chaykunawanmi churachisqayki.

Chuya Qellqa 1992

⁵ Ñoqam Tayta Diosqa kani, ñoqamanta sapaq Diosqa manam kanchu. Mana reqsiwachkaptikipas ñoqam kallpanchasqayki.

Isaías 45:5 Iomraidhean Croise

1~Reyes 8:60

Chaynapim kay pachapi llapallan runakuna, Señor-ninchik Tayta Diosqa sapallan Dios kasqanta yachanqaku.

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Jobwan Sutichasqa Libro 12:18

Reykunatapas mana atiyniyuqtam saqerun, hinaspam mana imayuqta presota apachin.

Jobwan Sutichasqa Libro 12:21

Kamachikuqkunatam penqayman churan, kallpasapakunatam mana kallpayuqta ruwan.

Éxodo 9:14

kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta.

Isaías 22:21

Paytam pachaykiwan pachachispa chumpikiwanñataq weqawninta watasaq, paytañam churasaq qampa rantikipi kamachikunanpaq. Chaynapim Jerusalenpi yachaqkunapaq hinaspa Judá runakunapaq taytanku hina kanqa.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 45:1

Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Isaías 45:6

Chaynapi llapallanku kay allpa pachapi ñoqalla Dios kasqayta yachanankupaq, manam hukqa kanchu, ñoqallam Tayta Diosqa kani.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 47:8

Mana allin kawsayta kuyaq warmi uyariy, munaychakuspa hawkallaña kakuq warmi, sonqoykipim ninki: “Ñoqallam kani, ñoqa hinaqa manam pipas kanchu, manam haykapipas viudayasaqchu, nitaqmi haykapipas wawaykunaqa wañunqachu”, nispayki.

Ezequiel 30:24

Babilonia nacionpa reyninpa makinta kallpanchaspaymi espadayta qoykusaq. Egipto nacionpa reynin Faraonpa makinkunatam ichaqa pakirusaq, chaymi ñakarispa enemigonpa ñawpaqninpi waqanqa.

Joel 2:27

Chaynapim yachankichik Israel nacionpa chawpinpi kasqayta, ñoqallam Diosnikichikqa kani, ñoqamanta hukqa manam pipas kanchu. Manañam haykapipas penqaypiqa kankichikñachu.

Juan 1:1

Tukuy imapa qallariyninpiqa Simiqa karqañam, chay Simiqa Dioswanmi karqa, chay Simiqa Diosmi.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Deuteronomio 4:35

Tayta Diosllam chaykunataqa qawachisurqankichik cheqap Dios kasqanta yachanaykichikpaq.

Deuteronomio 4:39

Chaynaqa, Tayta Diosqa hanaq pachapipas chaynataq kay pachapipas sapallan Dios kasqantam yuyankichik.