Isaías 45:1 - CHUYA QELLQA La Biblia en Quechua de Ayacucho 2012

¹ Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Quechua Ayacucho Bible 1987

¹ Tayta Diosmi rey kananpaq churarqa Cirota. Makinmantam Tayta Dios pusamurqa payta nacionkunapi munaychakunanpaq chaynataq reykunapa armankunata qechunanpaq. Tayta Diosmi punkukunata Ciropaq kichachin. Llaqtakunapa zaguanninkunatam kichachin. Pipas manaña wichqay atinankamam kicharachin. Hinaspam Cirota Tayta Dios kaynata nin:

Chuya Qellqa 1992

¹ Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Isaías 45:1 Iomraidhean Croise

1~Reyes 19:15

Chaymi Tayta Dios nirqa: Maymi hamusqayki ñanninta Damasco law chunniqman kutiy hinaspa Hazael sutiyuq runata Siria nacionpi rey ka-nanpaq aceitewan tallispa sapaqchamuy.

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Jobwan Sutichasqa Libro 12:21

Kamachikuqkunatam penqayman churan, kallpasapakunatam mana kallpayuqta ruwan.

Isaías 13:2

Banderata qala orqopa hawanpi sayachiychik, atacanankupaq soldadokunata qayaychik, kamachikuqkunapa punkunman yaykunanpaq makikichikwan señaschaychik.

Isaías 13:3

Sapaqchasqaykunatam kamarachini, piñakuyniyta ruwayman churaq allinnin qari-qari soldadoykunatam qayaramuni, vencesqaywan kusikuqkunatam qayaramuni.

Isaías 41:13

Ñoqa Tayta Diosmi, Diosnikichik kani, alleq makikichikmanta hapiqnikichikmi kaynata nikichik: “Ama manchakuychikchu, ñoqam yanapasqaykichik”, nispa.

Isaías 41:2

¿Pitaq intipa qespimunan lawmanta imapipas allinllaña lloqsiq reyta hatarichimurqa? ¿Pitaq nacionkunatapas reynintinta payman hapiykachirqa? Chay reymi paykunapi munaychakuspa espadanwan polvota hina ruwarunqa, flechana arconwan ñuturuspam wayrapa apanan qopata hina cheqechinqa.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Isaías 45:5

Ñoqam Tayta Diosqa kani, ñoqamanta sapaq Diosqa manam kanchu. Mana reqsiwachkaptikipas ñoqam kallpanchasqayki.

Isaías 48:15

Rey Cirotaqa ñoqam rimapayarqani, qayaykuspaymi pusamurqani; chaynaqa maylawman rispapas allin chaninchasqam kanqa.

Jeremías 27:6

Kunanmi llapallan nacionkunata Babilonia nacionpa reynin serviqniy Nabucodonosorman qoni, purun animalkunatapas paymanmi munaychakunanpaq qoni.

Jeremías 43:10

hinaspa paykunata niy: Israelpa yupaychasqan Tukuy Atiyniyuq Tayta Diosmi kaynata nin: Babilonia nacionpi serviqniy rey Nabucodonosorta pusamuptiymi kay pampasqay rumi hawanpi trononta churanqa, hinaspam carpanta sayachinqa.

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 50:35

Ñoqa Tayta Diosmi kaynata nini: Caldea runakunapa contranpi peleamuychik, Babilonia nacionpa contranpi peleamuychik, kamachiqninkunapa contranpi peleamuychik, yachaysapankunapa contranpi peleamuychik.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:30

Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Jeremías 51:58

Tukuy Atiyniyuq Tayta Diosmi kaynata nin: Babiloniapa rakta-rakta perqakunatam pasaypaqta purmachinqaku, hatu-hatun punkunkunatam kañaykunqaku. Yanqapaqmi llamkaqkunapas hatarichirqaku, nina tukurunanpaqmi pisipaywan llamkarqaku.

Ezequiel 29:20

Chaynaqa, Tiro llaqtapa contranpi rey Nabucodonosor ñoqapaq llamkasqanmantam Egipto nacionta payman pagaykuni. Ñoqa Tayta Diosmi chaynata nini.

Daniel 5:6

reyqa llumpayta hukmanyarurqa, manchakuymantam umanmanta chaki pampankama katkatatarqa.

Daniel 7:5

Iskay kaq animalmi rikchakusqa ukumariman, ichaqa huklaw waqtanmi hukninmanta masta hoqarikusqa. Siminpim kanirayasqa kimsa costilla tullukunata. Paytam nimurqa: “Hatarispayki aychata atinaykikama mikuy”, nispa.

Daniel 8:3

Qawarispaymi mayupa patanpi huk carnerota rikururqani, chay carneroqa iskay waqrayuqmi kasqa. Chay waqrankuna hatunkama kachkaptinpas huknin waqram hukninmantaqa aswan hatun kasqa. Chay hatun waqraqa huknin waqranpa qepantañam wiñaramurqa.

Daniel 8:4

Qawachkaptiymi chay carneroqa intipa seqaykunan lawman, norte lawman hinaspa sur lawman takarqa; manam ima animalpas chay carneropa ñawpaqninpiqa sayayta atirqachu, manataqmi pipas paypa atiyninmantaqa librakuyta atirqachu. Munasqanman hina imatapas ruwaspanmi aswan-aswan hatunyarqa.

Nahúm 2:6

Mayukunapa punkunkunam kichakuykun, palacioñataqmi tuñiykamun.

Nahúm 3:13

Tropaykikunapas qampaqqa warmikuna hinam. Llaqtaykipa punkunkunapas enemigoykikunapaqmi chaylla kichakuykunqa, punkuykipa candadonkunatapas ninam rupanqa.