Isaías 44:3 - CHUYA QELLQA La Biblia en Quechua de Ayacucho 2012

³ Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Quechua Ayacucho Bible 1987

³ Ñoqam chunniq sitiokunapi yakukunata kallpachisaq. Ñoqam chaki allpakunapi mayuchakunata purichisaq. Miraynikichikkunamanmi espirituywan huntachisaq. Qamkunamanta naceqkunamanmi bendicionniywan huntasaq.

Chuya Qellqa 1992

³ Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 44:3 Iomraidhean Croise

Jobwan Sutichasqa Libro 5:25

Miraynikikunapas achkallañam kanqa, mana yupay atina qora hina achkallañam kanqa.

Proverbios 1:23

Rimapayasqaykunata uyariychik, hinaptinqa espirituywan huntachispaymi imam piensasqaykunata reqsichisqaykichik.

Isaías 27:3

Ñoqa Tayta Diosmi chay uvas chakrata sapa kutilla parqopayaspa waqaychani. Mana imapas pasananpaqmi tuta punchaw waqaychani.

Isaías 32:15

Chaynaqa kanqa, hanaq pachamanta Diospa Espiritun ñoqanchikman hamunankamam. Hinaptinmi mana imapa qespinan chaki allpapas, lliw kawsaypa qespinanmanña tikrakunqa; tukuy imapa qespinan allpañataqmi aswan allintaraq rurunqa.

Isaías 32:2

Paykunam sapakama wayramanta harkachikuna hina kanqaku, loco wayra-paramanta harkachikuna hinam kanqaku, chaki allpapi mayukuna hinam kanqaku, sinchi rupaypi qaqapa llantuynin hinam kanqaku.

Isaías 41:17

Wakchakunawan mana imayuqkunam yakuta qallunkupas chakisqa maskachkanku, ichaqa manam tarinqakuchu; chaywanpas ñoqa Tayta Diosmi paykunataqa uyarisaq, Israelpa Diosninqa manam qonqasqaykichikchu.

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Isaías 48:21

Paykunataqa chunniqninta pusaspapas manam yakumantaqa ñakarichirqachu; qaqamantam yakuta toqyachirqa, raqchita kicharispam achka yakuta lloqsichimurqa.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Isaías 55:1

Llapallan yakunayasqakuna, yaku tomaq hamuychik; mana qollqeyuqkuna, mikunaykichikpaq trigota mana imallapaq apakuychik, vinotawan lecheta mana qollqellapaq apakuychik.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Isaías 61:9

Miraynikikunapas huklaw nacionkunapa reqsisqanmi kanqaku, willkaykichikkunapas llaqtakunapa reqsisqanmi kanqaku. Llapallan rikuqninkunam yachanqaku “Tayta Diospa bendecisqan miraykuna” kasqankuta.

Isaías 65:23

Llamkasqankupas manam yanqapaqchu kanqa, churinkupas manam chayllaqa wañunqakuchu, paykunapas chaynataq mirayninkupas, Tayta Diospa bendecisqan miraykunam kanqaku.

Ezequiel 34:26

Akllakusqay orqopa muyuriqninpi paykunata churaykuspaymi bendeciykusaq, paratapas tiempollanpim chaya-chimusaq, chay paraqa hatun bendicionmi kanqa.

Ezequiel 36:27

Espirituyta qoykuspaymi decretoykunata cumplichisqaykichik, chaynapim kamachikuyniykunatapas kasukunkichik.

Ezequiel 39:29

Manañam paykunataqa haykapipas qepanchakusaqñachu, Espirituytam paykunaman chaqchurisaq. Ñoqa Tayta Diosmi chaynata nini.

Ezequiel 47:8

Hinaptinmi niwarqa: Kay mayuqa richkan intipa qespimunan lawmanmi, hinaspam Jordán mayupa kallpanan wayqoman uray-kuchkan, chaymantam Puchqo lamar qochaman yaykunqa. Chayman chayaruptinmi chay qochapa yakunkuna miski yakumanña tikrakurunqa.

Oseas 10:12

Qamkunaqa allin kawsakuytayá tarpuychik, kuyakuypa rurunta cosechaychik, mana yapusqa chakrakunatayá yapuychik. Tayta Diosta maskanaykichik punchawmi chayaramunqa, hinaptinqa Tayta Diospas para hinaraqmi hamunqa, qamkunaman kutirimuspan salvaykusunkichik.

Joel 2:27

Chaynapim yachankichik Israel nacionpa chawpinpi kasqayta, ñoqallam Diosnikichikqa kani, ñoqamanta hukqa manam pipas kanchu. Manañam haykapipas penqaypiqa kankichikñachu.

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Joel 3:1

Tayta Diosmi kaynata nin: Chay punchawkunapim, Judá nacionpi yachaqkunatawan Jerusalén llaqtapi yachaqkunata preso risqankumanta kutichimusaq.

Joel 3:18

Chay tiempokunapiqa orqokunapas vinotam pullpurimunqa, moqokunamantapas lechem lloqllarimunqa, Judá nacionpa llapa yarqankunatapas achkallaña yakukunam kallpanqa; Tayta Diospa templonmantapas yaku lloqsispanmi Sitim llaqtapa qechwankunata parqonqa.

Miqueas 5:7

Jacobpa mirayninkunamanta puchuqkunam, llapa llaqtakunapa chawpinpi kanqaku, Diosmanta hamuq sulla hinaraq, pastokunaman chayaq para hinaraqmi kanqaku. Parawan sullaqa chayamun manam runapa munasqanman hinachu.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 12:43

Runamanta mana allin espíritu lloqsiruspaqa, maypi samaykuyta maskaspam chaki allpakunapi purin, mana tarispanñataqmi kaynata yuyaymanan:

Hechos 10:45

Hinaptinmi Pedrowan hamuq iñiq judiokuna llumpayta admirakurqaku, mana judío kachkaptinkupas Chuya Espiritupa atiynin huntaykusqanmanta.

Hechos 2:17

Diosmi nin: Tukupay punchawkunapim chaqchurimuq hina lliw runakunaman Espirituyta kachamusaq. Chaymi qari churikichikpas, warmi churikichikpas profetizanqaku. Jovenkunapas visionkunatam rikunqaku, yuyaqkunapas mosqoykunatam mosqokunqaku.

Hechos 2:33

Chaynapim Diosqa Jesusta hatunchaykuspan alleq lawninpi chaskiykurqa, Tayta Diospa prometekusqanman hinam Chuya Espirituta Jesús chaskirqa, chay Chuya Espirituntam chaqchurimuwarqanchik, chaytam qawachkankichik hinaspa uyarichkankichik.

Hechos 2:39

Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Apocalipsis 21:6

Payqa niwarqataqmi: Ñam ruwasqaña. Ñoqam kani Qalla-riypas Tukupaypas, Ñawpaq kaqpas Qepa kaqpas. Pipas yakunayachikuqmanqa mana imallapaqmi pukyumanta kawsachikuq yakuta qosaq.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.