Isaías 43:2 - CHUYA QELLQA La Biblia en Quechua de Ayacucho 2012

² Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

Quechua Ayacucho Bible 1987

² Yakuta chimpaptikichikmi qamkunawan kasaq ñoqaqa. Mayuta pasaptikichikmi lloqllamanta harkasqaykichik ñoqaqa. Nina ukunta pasaptikichikqa manam rupasunkichikchu. Lenguachkaq ninapas manam kañasunkichikchu.

Chuya Qellqa 1992

² Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

Isaías 43:2 Iomraidhean Croise

Jobwan Sutichasqa Libro 5:19

Soqta sasachakuymantam librasunki, qanchis kaqñataqmi manaña chayamusunkichu.

Éxodo 14:29

Israelpa mirayninkunam ichaqa lamar qochapa chawpinta, chaki allpanta pasarurqaku. Yakukunam alleq lawninkupi hinaspa ichoq lawninkupi perqa hina karqa.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Isaías 29:6

Tukuy Atiyniyuq Tayta Diosmi, wayra-parawan, loco parawan, llumpay terremotowan, lliw ruparuq lenwachkaq ninawan, enemigoykikunata ñakarichinqa.

Isaías 30:27

Qawariychik, kikin Tayta Diosmi karumanta hamuchkan, piñakuptinmi nina hinaraq uyanpas ruparichkan, simin huntam piñakuynin kachkan, tukuy ima ruparuq nina hinaraqmi qallunpas kachkan.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 43:5

Ama manchakuychu, ñoqam qanwan kachkani; ñoqam intipa qespimunan lawmanta, hinaspa intipa seqaykunan lawmanta, lliw miraynikikunata huñumusaq.

Jeremías 42:11

Ñoqa Tayta Diosmi kaynata nini: Manchachisuqnikichik Babilonia nacionpa reynintaqa ama manchakuychikchu. Ñoqam qamkunawan kachkani salvanaypaq hinaspa paymanta libranaypaq.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Daniel 3:23

Sadracwan, Mesacwan Abed-negoñataqmi hina chaqnasqa chay rupachkaq hornoman wichiykurqaku.

Hageo 1:13

Chaymi Tayta Diospa profetan Hageo, Diospa kamachisqanman hina llapa runakunata rimapayarqa kaynata: Tayta Diosmi nin: “Ñoqam qamkunawan kachkani”, nispa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.

2~Timoteo 4:22

Señorninchik Jesucristoyá qanwan kachun, Diosninchikyá kuyakuyninta qamkunaman chaqchurimuchun. Amén.

Hebreos 11:29

Iñiyllawanmi Israelpa mirayninkunapas, Puka lamar qocha kicharikuykuptin chaki allpanta hina pasarqaku. Egipto runakunam ichaqa pasayta munaspanku yakupi heqeparurqaku.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.