Isaías 43:1 - CHUYA QELLQA La Biblia en Quechua de Ayacucho 2012

¹ Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Quechua Ayacucho Bible 1987

¹ Israelpa castankuna, unanchawaqninchik Tayta Diosmi kaynata nisunkichik kunan. Jacobpa castankuna, kikinpaq rurawaqninchik Tayta Diosmi kaynata nisunkichik kunan: Ama manchakuychikchu. Ñoqam reclamasqaykichik. Ama manchakuychikchu. Sutikichikmantam qayasqaykichik. Ama manchakuychikchu. Qamkunaqa ñoqapam kankichik.

Chuya Qellqa 1992

¹ Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Isaías 43:1 Iomraidhean Croise

Génesis 32:28

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

Éxodo 15:13

Kuyakuynikiman hinam kay librasqayki llaqtaykita pusawachkankiku, hatun atiynikiwanmi yachanayki wasiman pusawachkankiku.

Éxodo 15:16

Dios Taytallayku, paykunaqa mancharikuymanta katkatatachunku, hatun atiynikirayku rumi hina upallachunku; runaykikuna pasanaykukama upallachunku, kay rantisqaykikuna pasanaykukama upallachunku.

Éxodo 33:17

Chaymi Tayta Dios nirqa: Kay nisqaykitapas ruwasaqmi, favorniy qanwan kasqanraykum ñoqaqa sumaqta reqsiki, nispa.

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 43:21

Kay llaqtataqa kikiypaqmi unancharqani, chaynapi hatunchasqa kasqayta willakunankupaq.

Isaías 43:5

Ama manchakuychu, ñoqam qanwan kachkani; ñoqam intipa qespimunan lawmanta, hinaspa intipa seqaykunan lawmanta, lliw miraynikikunata huñumusaq.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Isaías 44:2

Mamaykipa wiksanpi paqarichisuqnikim, unanchasuspayki yanapaqniki Tayta Diosmi kaynata nin: Serviqniy Jacobpa mirayninkuna, akllakusqay Jesurún llaqta, ama manchakuychu.

Isaías 45:11

Israelta unanchaq Chuya Tayta Diosmi kaynata nin: Hamuq punchawkunamanta tapuykuwaychik, churiykunamanta cuentata mañaykuwaychik, imaynam ruwasqaymanta cuentata mañaykuwaychik.

Isaías 48:17

Reclamaqniki Tayta Diosmi, Israelpa Chuya Diosninmi kaynata nin: Ñoqaqa Diosnikim kani, allinnikipaq yachachiqnikim kani, maynin purinayki qawachiqnikim kani.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 51:13

¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 62:12

Israeltam sutichanqaku: “Tayta Diospa librasqan chuya llaqta” nispanku. Jerusalentañataqmi sutichanqaku: “Sumaq waqaychasqa munayllapaqña llaqta”, nispanku.

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Jeremías 31:3

Tayta Diosqa unayñam rikuriwarqa, hinaspam kaynata niwarqa: Wiñaypaq kuyakuywanmi kuyarqayki, chay kuyakuyniyman hinallam kuyapayachkayki.

Jeremías 33:24

¿Manachu uyarirqanki huklaw nacionpi kaqkunapa rimasqanta? Paykunam nichkanku: “Tayta Diosmi akllasqan iskaynin ayllukunata cheqnipakurun”, nispanku. Chayraykum llaqtayta mana kaqpaq hina hapispanku manaña nacionta hinañachu qawanku.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 50:34

Chaywanpas paykunapa reclamaqninqa atiyniyuqmi, Tukuy Atiyniyuq Tayta Diosmi sutinpas. Paymi nanachikuspan allin arreglota ruwanqa, nacionmanpas hawkayaytam apamunqa, Babiloniamanñataqmi hatun manchakuyta apamunqa.

Lamentaciones 3:57

qayakamusqay punchawpim asuykamuwaspayki: “Ama manchakuychu”, niykullawarqanki.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Daniel 10:19

hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Malaquías 3:17

Tukuy Atiyniyuq Tayta Diosmi nin: Huk punchawtam allichachkani chay-napi paykuna huktawan llaqtay kanan-kupaq. Huk tayta serviqnin churinmanta llakipayarikusqanta hinam ñoqapas paykunamanta llakipayarikusaq.

Hechos 27:20

Achka punchawña intitapas nitaq chaskakunatapas mana rikuspam hinaspa wayra-para hinalla apawaptinkum, manaña imaraykupas librakuytaqa piensarqanikuñachu.

Hechos 27:25

Chaynaqa, riqmasillaykuna, kallpanchakuychik, ñoqaqa Diospim hapipakuni, angelpa nisqanman hinam cheqaptapuni kawsasunchik.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.