Isaías 42:8 - CHUYA QELLQA La Biblia en Quechua de Ayacucho 2012

⁸ Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Quechua Ayacucho Bible 1987

⁸ Ñoqam Tayta Dios kani. Chayna sutiyoq Diosmi kani. Hukkuna adoranankutaqa manam permitisaqchu. Ñoqamanta sapaqta alabanankutaqa manam permitisaqchu.

Chuya Qellqa 1992

⁸ Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 42:8 Iomraidhean Croise

Éxodo 34:14

Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Éxodo 4:5

Kay señalwanmi creenqaku ñawpaq taytaykichik Abrahampa, Isaacpa hinaspa Jacobpa Tayta Diosnin qanman rikurisusqaykita.

Isaías 43:11

Ñoqallam Tayta Diosqa kani, ñoqamanta hukqa manam pipas salvakuqqa kanchu.

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Isaías 48:11

Kikiyraykum chaykunataqa ruwasaq, sutiytaqa manam pipas qachachanmanchu, ñoqa hina hatunchasqaqa manam pipas kanmanchu.

Isaías 48:5

ñoqaqa ñawpaqmantaraq nirqaykiña, manaraq imapas kachkaptinmi willarqaykiña; chaynaqa manam niwaqchu: “Idoloykunam chaykunataqa ruwarun, llaqllasqa idoloykunam chaykunataqa ruwarun, chulluchispa ruwakusqay idoloymi chaykunataqa ruwarun”, nispaqa.

Isaías 48:6

Tukuy chaykunata uyarichkaspa chaynataq rikuchkaspachu, ¿chaykunaqa cheqap kasqanta mana willakunki? Kunanmi musoq kaqkunata uyariykachiki, mana yachasqayki pakasqa kaqkunatam uyariykachiki.

Jeremías 33:2

Kay pachata unanchaspa tukuy imankunatapas churaspa takyachiq ñoqa Tayta Diosmi kaynata nini:

Daniel 5:4

Llapallankum vinota upyakuspanku qorimanta, qollqemanta, broncemanta, fierromanta, kullumanta hinaspa rumimanta idolonkunata hatuncharqaku.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Juan 8:58

Hinaptinmi Jesusñataq nirqa: Cheqaptapunim nikichik, manaraqpas Abraham kachkaptinqa ñoqaqa ñam karqaniña, nispa.

Deuteronomio 28:58

Sichum kay libropi qellqasqa yachachikuykunata mana kasukuptikichikqa, nitaq ancha reqsisqa manchakuypaq Señornikichik Tayta Diostapas mana manchakuptikichikqa,