Isaías 42:16 - CHUYA QELLQA La Biblia en Quechua de Ayacucho 2012

¹⁶ Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Quechua Ayacucho Bible 1987

¹⁶ Ñawsakunatam pusasaq mana reqsisqan ñanninkunata. Ñawsakunatam purichisaq mana reqsisqan purinankunata. Paykunapa qayllanpim tutayayta tikrarusaq achkiyman. Risqanku kallka-kallka ñantam tikrarusaq pampa ñanman. Paykunapaqmi rurasaq tukuy kaykunata. Manam saqesaqchu paykunata.

Chuya Qellqa 1992

¹⁶ Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 42:16 Iomraidhean Croise

Eclesiastés 1:15

Qewisqa kaytaqa manam derechayta atichwanchu, mana kaqtaqa manam yupayta atichwanchu.

Eclesiastés 7:13

Diospa ruwayninkunatayá qawariy. ¿Pitaq paypa qewisqanta derecharunman?

Isaías 26:7

Allin ruwaq runapa ñanninqa mana pantayniyuqmi, qamqa ñannintapas aswanraqmi allichaykunki.

Isaías 29:18

Chay punchawpiqa mana uyariqkunapas librota leepuptinkum uyarinqaku, ñawsakunapas ancha tutayaypi kachkaspankupas rikukunqakum.

Isaías 29:24

Pantaypi kaqkunam yuyayniyuq kayta yachanqaku, runamasinpa qepanpi rimaqkunam yachachikuyta chaskinqaku, nispa.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 30:21

Hinaspapas rinrikichikwanmi uyarinki qepaykimanta kayna rimapayakuyta: Kaymi allin ñan, chayninta puriychik, amayá alleqmanpas nitaq ichoqmanpas muyuychikchu, niqta.

Isaías 32:3

Ñawinkutapas allinta kicharispam qawanqaku, rinrinkutapas allinta kicharispam uyarinqaku.

Isaías 35:5

Chaymi ñawsakuna qawarikunqa, mana uyariqkunam uyarikunqa.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 40:4

Wayqokunata pampayachiychik, orqokunatawan moqokunata pampayachiychik, qenqo ñankunata derechaychik, qachya ñankunata pampayachiychik.

Isaías 41:17

Wakchakunawan mana imayuqkunam yakuta qallunkupas chakisqa maskachkanku, ichaqa manam tarinqakuchu; chaywanpas ñoqa Tayta Diosmi paykunataqa uyarisaq, Israelpa Diosninqa manam qonqasqaykichikchu.

Isaías 41:3

Paymi enemigonkunata utqayllaman qatin, ñantapas hawallanta hinañam kallpan.

Isaías 45:2

Ñoqam ñawpaqnikita risaq, alto orqokunatam pampayachisaq, broncemanta punkukunatam ñutupasaq, fierromanta cerrojokunatam kuchusaq.

Isaías 45:7

Achkiytapas tutayaytapas ñoqallam paqarichini, hawkayaytapas sasachakuytapas ñoqallam rikurichini, ñoqa Tayta Diosmi tukuy chaykunata ruwani, nispa.

Isaías 48:17

Reclamaqniki Tayta Diosmi, Israelpa Chuya Diosninmi kaynata nin: Ñoqaqa Diosnikim kani, allinnikipaq yachachiqnikim kani, maynin purinayki qawachiqnikim kani.

Isaías 52:12

Manam kallpayllachu lloqsinkichikqa, nitaqmi ayqechkaq hinachu ripunkichikqa, aswanqa Tayta Diosmi ñawpaqnikichikta rinqa, hina kikintaqmi qepaykichiktapas hamunqa.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Isaías 58:10

yarqaymanta kaqkunata mikuykachiptikiqa, ñakariqkunata sasachakuyninpi yanapaykuptikiqa achkiy hinam tutayaypi kancharinki, llantuynikipas chawpi punchawpi achkiy hinam rikurinqa.

Isaías 62:12

Israeltam sutichanqaku: “Tayta Diospa librasqan chuya llaqta” nispanku. Jerusalentañataqmi sutichanqaku: “Sumaq waqaychasqa munayllapaqña llaqta”, nispanku.

Ezequiel 14:23

Imaynam kawsasqankutawan imakunam ruwas-qankuta qawaspam sonqoykichikta tiyachinkichik, chaynapim yachankichik Jerusalén llaqtataqa mana yanqamantachu castigasqayta. Ñoqa Tayta Diosmi chaynata nini.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Oseas 2:6

Chayraykum purinantapas kichkakunawan qencharusaq, purinanpa muyuriqninta perqaruptiymi ñan purinantapas mana tarinqachu.

Amós 5:8

Maskaychik Suchu chaskakuna unanchaqta, maskaychik Qalalu chaska unanchaqta, tutayayta achkiyman tikraqta, punchawtapas tutayachiqta, lamar qochapa yakunkunata qayaspa allpa pachaman chaqchurimuqta. Payqa Tukuy Atiyniyuq Tayta Diosmi.

Lucas 3:5

Llapa wayqokunata allpawan huntachiychik, orqokunatawan moqokunatapas pampayachiychik, qenqo ñankunata derechaychik, qachqa ñankunatapas limpiaychik.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Josué 3:4

chaynapi maynintam rinaykichikta yachanaykichikpaq. Qamkunaqa manam haykapipas chay ñannintaqa purirqankichikchu. Amam Arcamanqa asuykunkichikchu, huk kilómetro qepallatam rinkichik, nispa.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.