Isaías 42:11 - CHUYA QELLQA La Biblia en Quechua de Ayacucho 2012

¹¹ Chunniqpi llaqtakuna, Cedarpa yachanan llaqtakuna, kusikuywan qapariychik; Sela lawpi yachaqkuna kusikuymanta takiychik, orqokunapa puntanmanta qapariychik.

Quechua Ayacucho Bible 1987

¹¹ Chunniqpi kaq runakunayá kusikuchunku. Chaypi kaq llaqta runakunayá kusikuchunku. Kusikuchunkuyá Cedar law llaqtachapi *f**yachaqkunapas. Kusikuymantayá takichunku Sela lawpi *f**yachaqkunapas. Ancha-anchatayá qaparichunku orqokunapa puntanmantapas.

Chuya Qellqa 1992

¹¹ Chunniqpi llaqtakuna, Cedarpa yachanan llaqtakuna, kusikuywan qapariychik; Sela lawpi yachaqkuna kusikuymanta takiychik, orqokunapa puntanmanta qapariychik.

Isaías 42:11 Iomraidhean Croise

Génesis 25:23

Hinaptinmi Tayta Dios nirqa: Iskay nacionkunam wiksaykipi kachkan, chay nacionkunam wiksaykimantapuni rakinasqa kachkan. Huknin nacionmi hukninmanta aswan kallpayuq kanqa, piwi kaqmi sullkanta servinqa, nispa.

Isaías 12:5

Admirakuypaq ruwasqanmantayá Tayta Diosman takiychik, tukuy hinastinpiyá chay ruwasqanta reqsichiychik.

Isaías 16:1

Nacionpi kamachikuqman malta carnerota apachiychik, chunniqpi Sela llaqtamanta Sión moqoman apachiychik.

Isaías 21:16

Señormi kaynata niwarqa: Kaymanta huk watamanmi, imaynam llamkapakuqpa contrato ruwasqan punchaw tukurun, chaynam Cedar castapa ancha reqsisqa kayninpas tukurunqa.

Isaías 32:16

Chay nacionpiqa mana pimanpas sayapakuywan, allin kaqkuna ruwayllañam munaychakunqa.

Isaías 35:1

Chunniqpi chaki allpapas llumpaytam kusikunqa, kusikuspam rosas hinaraq waytarinqa.

Isaías 35:6

Wistukunam luwichu hinaraq pawaykachanqaku, mana rimaqkunam sumaqllataña qaparinqaku; yakukunam chunniqpi toqyanqa, chaki allpakunapim mayukuna kallpanqa.

Isaías 40:3

Huk qayakuymi purunpi uyarikun kayna niq: “Tayta Diospa ñanninta allichaychik, Diosninchikpaq purunpi ñanta allichaychik.

Isaías 43:19

Ñoqam musoq kaqta ruwasaq, hichpallañam kachkan rikurimunanpaq ¿manachu musyankichik? Chunniqpim ñanta kichasaq, chaki allpakunapim mayukunata kallpachisaq.

Isaías 52:7

Mayna kuyayllapaqmi orqonkunata hamuptin allin musoq noticia willakuqpa chakinkunaqa, payqa hawkayaymantam willakun, payqa allin noticiatam willakun, payqa salvacionmantam willakun. Payqa Sión llaqtatam nin: ¡Diosnikiqa munaychakuq Reymi! nispa.

Isaías 60:7

Cedar lawpi llapallan uywakunam qampaq huñumusqa kanqa, Nebaiot lawpi carnerokunam qampaq kanqa, chaykunam altarniypi sumaq ofrenda kanqa, kuyayllapaq temploytam aswanraq sumaqyachisaq.

Jeremías 21:13

Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

Jeremías 48:28

Moab nacionpi yachaqkuna llaqtaykichikkunata saqeychik; qaqa uchkupi qesachakuq paloma hina qaqakunapiña yachaychik.

Jeremías 49:16

Hatun tukuynikim pantarachisunki, sonqoykipa hatun tukuyninmi pantayman aparusunki. Qaqapa uchkunkunapiña yachaptikipas, alto raqchikunapiña wasichakuruptikipas, anka hinaña alto qaqakunapi qesachakuptikipas, chaymantam wikapamusqayki. Ñoqa Tayta Diosmi chaynata nini.

Jeremías 49:31

Ñoqa Tayta Diosmi kamachikichik: Rispaykichik hawkallaña yachakuq llaqtata atacamuychik, punkunkunapas mana cerrojoyuqmi kachkan, paykunaqa sapallankum kachkanku.

Ezequiel 27:21

Arabia lawpi yachaqkunawan Cedar lawpi kamachikuqkunapas rantisuspaykim, malta carnerokunawan, hatun carnerokunawan hinaspa chivatokunawan pagasuq kanki.

Abdías 1:3

Hatun tukuq kaynikim pantarachisunki, qaqakunapa raqrankunapi yachasqaykiraykum sonqoykipipas kaynataraq ninki: “¿Pitaq kaymanta wichichiwanman?” nispayki.

Nahúm 1:15

Qawariychik allin willakuy apamuqta, hawkayaymanta willakuy apamuqta, orqokunapa hawanta hamusqanta. Judá nación, fiestaykikunata ruway, prometekusqaykikunata cumpliy, manañam haykapipas mana allin runaqa hamusunkiñachu, pasaypaqtañam chinkarun.