Isaías 42:1 - CHUYA QELLQA La Biblia en Quechua de Ayacucho 2012

¹ Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Quechua Ayacucho Bible 1987

¹ Kayqa ñoqapa serviqniymi. Payqa garantizasqaymi. Paytam ñoqaqa akllakurqani. Payraykum kusisqa kachkani. Paymanmi huntani espirituyta. Paymi nacionkunapi ruranqa allin arreglota.

Chuya Qellqa 1992

¹ Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 42:1 Iomraidhean Croise

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 2:4

Diosmi nacionkunata juzganqa, paymi llapa llaqtakunapa cheqninakuyninkuta allichanqa. Chaynapim espadankutapas rejakunamanña tikranqaku, lanzankutapas rutunakunamanñam tikranqaku. Manañam nacionpurapas wañuchinakunqakuñachu, guerrapaqpas manañam yachachinakunqakuñachu.

Isaías 32:16

Chay nacionpiqa mana pimanpas sayapakuywan, allin kaqkuna ruwayllañam munaychakunqa.

Isaías 41:8

Serviqniy Israelpa mirayninkuna, akllakusqay Jacobpa mirayninkuna, amistadniy Abrahampa mirayninkuna uyariychik,

Isaías 41:9

kay pachapa patanmantaraqmi qamkunata pusamurqaykichik, karu llaqtamantaraqmi qayamuspa nirqaykichik: “Qamkunaqa akllakusqay serviqniymi kankichik, manam qepancharqaykichikchu”, nispay.

Isaías 42:2

Manam payqa qayaykachakunqachu, nisyumantaqa manam qaparinqachu, callekunapiqa vozninpas manam uyarikunqachu.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Isaías 52:13

Serviqniyqa ima ruwasqanpipas vencenqam, payqa ancha hatunchasqam kanqa, payqa ancha reqsisqam kanqa, altoman hoqarisqam kanqa.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Isaías 63:1

¿Pitaq wak Edom lawmanta, Bosra lawmanta pukankama pachayuq hamuchkan? ¿Pitaq wak allin pachasqa qari-qarillaña hamuchkan? Ñoqa cheqap rimaq Tayta Diosmi hamuchkani, atiyniywan salvaqmi hamuchkani.

Hageo 2:23

Tukuy Atiyniyuq Tayta Diosmi kaynata nin: Salatielpa churin serviqniy Zorobabel, chay punchawpim qamta akllasqayrayku sellona anillota hina ruwasqayki, nispa. Tukuy Atiyniyuq Tayta Diosmi chaynata nin.

Zacarías 3:8

Chaynaqa, sumo sacerdote Josué kayta uyariy, uyariwachuntaq sacerdotemasikikunapas, qamkunaqa qepa punchawkunapaqmi señal hina kankichik: Ñoqam pusamusaq serviqniyta, “Ikllirimuqta”, nispa.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Lucas 3:22

hinaptinmi Chuya Espirituqa Jesuspa hawanman uraykamurqa paloma hina, chaymi hanaq pachamanta huk rimariy uyarikamurqa: “Qanmi kanki kuyasqay Churiy, qamraykum kusisqa kachkani”, nispa.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Lucas 4:19

Tayta Diospa kuyapayakuynin watamanta willakamunaypaq”, nispa.

Lucas 9:35

Hinaptinmi puyu ukumanta huk rimay uyarikamurqa: Paymi akllasqay Churiy, payta uya-riychik, nispa.

Juan 16:32

Ñam hora chayaramunña, sapakamam cheqerunkichik hinaspam sapallaytaña saqeruwankichik. Ichaqa manam sapallaychu kachkani, Taytaymi ñoqawanqa kachkan.

Juan 3:34

Diospa kachamusqanqa Diospa palabrantam willakun, Diosmi paymanqa Espiritunta chaninpi mana pisisqata qon.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 11:18

Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 28:28

Chaynata Pablo rimaruspanmi nirqa: Kunanmantaqa yachaychikyá, Diospa salvacionninqa mana judío kaqkunamanpas willasqañam kanqa, paykunam ichaqa uyarinqaku, nispa.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Filipenses 2:7

aswanqa runaman hina tikrakuykuspam sirviente hinaña kananpaq churakuykurqa.

Colosenses 1:13

Diosmi tutayaypa atiyninmanta libraykuwarqanchik, hinaspam kuyasqan Churinpa munaychakusqanmanña churaykuwanchik.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.

1~Pedro 2:6

Chayraykum Qellqapas kaynata nin: “Ñoqam Sión moqopi cimientopaq churani kuyayllapaq suni takyaq akllasqa esquina rumita, pipas chay rumipi hapipakuqqa manam penqaypichu kanqa”, nispa.