Isaías 41:9 - CHUYA QELLQA La Biblia en Quechua de Ayacucho 2012

⁹ kay pachapa patanmantaraqmi qamkunata pusamurqaykichik, karu llaqtamantaraqmi qayamuspa nirqaykichik: “Qamkunaqa akllakusqay serviqniymi kankichik, manam qepancharqaykichikchu”, nispay.

Quechua Ayacucho Bible 1987

⁹ kay pachapa cantonmantaraqmi qamkunata pusamurqaykichik. Tukuy hinastinmantaraqmi qamkunataqa qayamurqaykichik. Kaynata nispaymi qayamurqaykichik: “Qamkunaqa serviqniymi kankichik” nispa. “Mana qepanchaspaymi akllakurqaykichik” nispa.

Chuya Qellqa 1992

⁹ kay pachapa patanmantaraqmi qamkunata pusamurqaykichik, karu llaqtamantaraqmi qayamuspa nirqaykichik: “Qamkunaqa akllakusqay serviqniymi kankichik, manam qepancharqaykichikchu”, nispay.

Isaías 41:9 Iomraidhean Croise

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 41:2

¿Pitaq intipa qespimunan lawmanta imapipas allinllaña lloqsiq reyta hatarichimurqa? ¿Pitaq nacionkunatapas reynintinta payman hapiykachirqa? Chay reymi paykunapi munaychakuspa espadanwan polvota hina ruwarunqa, flechana arconwan ñuturuspam wayrapa apanan qopata hina cheqechinqa.

Isaías 41:8

Serviqniy Israelpa mirayninkuna, akllakusqay Jacobpa mirayninkuna, amistadniy Abrahampa mirayninkuna uyariychik,

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 44:1

Serviqniy Jacob, akllakusqay Israel llaqta, kunan uyariway.

Isaías 45:4

Akllakusqay serviqniy Jacobraykum, Israel llaqtayraykum, sutikimanta qayayki. Mana reqsiwachkaptikipas ancha reqsisqa sutitam churayki.

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Lucas 13:29

Intipa qespimunan lawmanta, intipa seqaykunan lawmanta, norte lawmanta hinaspa sur lawmanta hamuspankum Diospa munaychakuyninpi mikunankupaq tiyaykunqaku.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.

1~Samuel 12:22

Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.