Isaías 41:23 - CHUYA QELLQA La Biblia en Quechua de Ayacucho 2012

²³ Hamuq watakuna imaynam kananmanta willawayku, chaynapi dioskuna kasqaykichikta yachanaykupaq, allin kaqta otaq mana allin kaqta ruwaychik, chaynapi hukmanyaspa manchakunaykupaq.

Quechua Ayacucho Bible 1987

²³ Willawaykuyá hamuq tiempokunapi pasananmanta. Chaynapim cheqaptapuni yachasaqku dioskuna kasqaykichikmanta. Atisqaykichikta allin kaqta otaq mana allin kaqta ruraychik. Hukmanyaspa manchakunaykupaq kaqtayá ruraychik.

Chuya Qellqa 1992

²³ Hamuq watakuna imaynam kananmanta willawayku, chaynapi dioskuna kasqaykichikta yachanaykupaq, allin kaqta otaq mana allin kaqta ruwaychik, chaynapi hukmanyaspa manchakunaykupaq.

Isaías 41:23 Iomraidhean Croise

Isaías 19:12

Egipto nacionpa reynin, ¿maypitaq kachkan yachaysapa runaykikunaqa, chaynapi Tukuy Atiyniyuq Tayta Diospa Egiptopa contranpi imam tanteasqanta willasunaykipaq?

Isaías 42:9

Ñawpaqmantaraq rimasqaykunam cumplikurunña, kunanñataqmi musoq kaqkunataña willasqaykichik; manaraq rikurimuchkaptinmi willasqaykichikña.

Isaías 43:9

Llapa nacionkuna, lliw llaqtakuna huñunakamuychik. ¿Mayqantaq paykunamanta kaykunata willakurqa? ¿Mayqantaq ñawpaq kaqkunata kunan willakurqa? Cheqap rimaq kasqankumanta testigonkuta pusamuchunku, chaynapi uyarispanku cheqapmi kasqa ninankupaq.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Isaías 45:3

Pakasqa qori-qollqekunatam qosqayki, Israelpa Tayta Diosnin kasqayta yachanaykipaq; pakaspa waqaychasqa kaqkunatam qosqayki, sutikimanta qayaqniki kasqayta yachanaykipaq.

Isaías 46:7

Hombrokuspam apanku, maymi kananpim sayachinku, chay churasqankupim mana kuyurispa sayarayan. Qapariwan mañakuptinkupas manam rimarinchu, sasachakuyninkumantapas manam salvayta atinchu.

Jeremías 10:5

Chay idolokunaqa tarpuykunapa chawpinpi manchachikumanmi rikchakun; manam rimankuchu, mana puriq kasqanraykum kayman chayman qepikachasqa kanku. Chaykunataqa ama manchakuychikchu, chaykunaqa manam allinta otaq mana allintapas ruwasunkichikmanchu.

Daniel 2:9

Imam mosqorusqayta mana willawaptikichikqa llapallaykichikpaqmi huk castigolla kachkan, qamkunaqa tiempo pasarunanta munaspam llullakunata hinaspa yanqakunata niwanaykichikpaq tanteanakuchkankichik. Chaynaqa, imam mosqorusqayta niwaychik, chaynapim mosqoyniypa imam ninanta willaway atinaykichiktapas yachasaq, nispa.

Juan 13:19

Manaraq imapas pasakuchkaptinmi kunan nichkaykichik, ña pasakuruptinmi ichaqa creenkichik rimapayasuqnikichikqa pim kasqayta.

Hechos 15:18

Ñawpaqmantaraq kaykunata reqsichiq Diosmi chaynata nin”, nispa.