Isaías 41:22 - CHUYA QELLQA La Biblia en Quechua de Ayacucho 2012

²² Hamuspaykichik hamuq punchawkuna imaynam kananmanta willawayku, ñawpaq watakuna imaynam kasqanmanta willawayku, chaykunata yuyaymanaspa reqsinaykupaq hamuq watakuna imapim tukurunanta yachanaykupaq.

Quechua Ayacucho Bible 1987

²² Hamuq punchawkunamanta willawanaykikupaqyá hamuychik. Ñawpa tiempokunamanta willawanaykikupaqyá hamuychik. Hinaptinqa ñoqaykum uyarisqaykiku. Hamuq tiempokunapi pasakunanmantayá willawayku. Chaynapim chaykuna imapim tukunanta yachasaqku.

Chuya Qellqa 1992

²² Hamuspaykichik hamuq punchawkuna imaynam kananmanta willawayku, ñawpaq watakuna imaynam kasqanmanta willawayku, chaykunata yuyaymanaspa reqsinaykupaq hamuq watakuna imapim tukurunanta yachanaykupaq.

Isaías 41:22 Iomraidhean Croise

Isaías 41:26

¿Pitaq kaykunata yachanaykupaq ñawpaqmantaraq willakurqa? ¿Pitaq kaykuna cheqap kasqanta yachanaykupaq ñawpaqmantaraq rimarirqa? Manam mayqannikichikpas willakurqankichikchu, rimasqaykichiktaqa manam pipas uyarirqachu.

Isaías 42:9

Ñawpaqmantaraq rimasqaykunam cumplikurunña, kunanñataqmi musoq kaqkunataña willasqaykichik; manaraq rikurimuchkaptinmi willasqaykichikña.

Isaías 44:7

¿Pitaq kanman ñoqa hina? Hatarispa rimachun. ¿Pitaq hamuq punchawkunapi imapas pasakunanmanta chaynataq imapas kananmanta willakurqa?

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Isaías 45:22

Tukuy hinastinpi yachaqkuna ñoqaman hamuwaychik, ñoqam lliw runakuna salvaq Diosqa kani, manam sapaq Diosqa kanchu.

Isaías 46:10

Ñawpaqmantaraqmi manaraq imapas pasakuchkaptin, hamuq punchawkunapi imakunam pasakunanmanta willakuni. Ñoqam nini: Tanteasqaykunaqa takyanqam, tukuy munasqaykunatam ruwasaq, nispa.

Isaías 48:14

Chaynaqa, israelpa mirayninkuna, huñunakuspa uyariwaychik: ¿Mayqannin idolotaq kaykunata willakurqa? Ñoqa Tayta Diospa kuyasqay rey Cirom Babiloniawan chaynallataq Caldea nacionwan munasqayta ruwanqa.

Isaías 48:3

Tukuy ima pasakusqantaqa ñawpaqtaraqmi willarqaykichik, rimarispaymi lliwman yachayta qorqani, imapas rimasqayman hinam ruwasqa karqa.

Juan 13:19

Manaraq imapas pasakuchkaptinmi kunan nichkaykichik, ña pasakuruptinmi ichaqa creenkichik rimapayasuqnikichikqa pim kasqayta.

Juan 16:14

Payqa atiyniytam qawachinqa, ñoqamanta chaskisqantam qamkunaman willasunkichik.