Isaías 41:18 - CHUYA QELLQA La Biblia en Quechua de Ayacucho 2012

¹⁸ Chaki orqokunamantam mayukunata paqchachimusaq, qechwakunapim pukyukunata rikurichisaq chunniqkunatam qochakunaman tikrarusaq, chaki allpakunamantam yakukunata pullpuchimusaq.

Quechua Ayacucho Bible 1987

¹⁸ Chaki orqokunamantam mayukunata toqyachisaq. Qechwakunapim pukyukunata rikurichisaq. Chunniqkunatam qochakunaman tikrachisaq. Chaki allpakunamantam yakukunata toqyachisaq.

Chuya Qellqa 1992

¹⁸ Chaki orqokunamantam mayukunata paqchachimusaq, qechwakunapim pukyukunata rikurichisaq chunniqkunatam qochakunaman tikrarusaq, chaki allpakunamantam yakukunata pullpuchimusaq.

Isaías 41:18 Iomraidhean Croise

Isaías 12:3

Qamkunapas kusikuyllawanñam salvación qokuq pukyumanta yakuta tomankichik.

Isaías 30:25

Hatun wañuchinakuy punchawpi torrekuna tuñichisqa kaptinmi, hatun orqokunamantawan alto moqokunamantapas mayukuna paqchamunqa.

Isaías 32:2

Paykunam sapakama wayramanta harkachikuna hina kanqaku, loco wayra-paramanta harkachikuna hinam kanqaku, chaki allpapi mayukuna hinam kanqaku, sinchi rupaypi qaqapa llantuynin hinam kanqaku.

Isaías 33:21

Llimparistin kallpaq ancho mayukunapa huntarisqanmi kanqa, kaspimanta qachinayuq barcokunapas manam chaynintaqa rinqachu, hatun barcokunapas manam chaynintaqa riyta atinqachu. Chaypim Tukuy Atiyniyuq Tayta Dios ñoqanchikwan kanqa.

Isaías 35:1

Chunniqpi chaki allpapas llumpaytam kusikunqa, kusikuspam rosas hinaraq waytarinqa.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 48:21

Paykunataqa chunniqninta pusaspapas manam yakumantaqa ñakarichirqachu; qaqamantam yakuta toqyachirqa, raqchita kicharispam achka yakuta lloqsichimurqa.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Joel 3:18

Chay tiempokunapiqa orqokunapas vinotam pullpurimunqa, moqokunamantapas lechem lloqllarimunqa, Judá nacionpa llapa yarqankunatapas achkallaña yakukunam kallpanqa; Tayta Diospa templonmantapas yaku lloqsispanmi Sitim llaqtapa qechwankunata parqonqa.

Zacarías 14:8

Chay punchawpim Jerusalenmanta kawsaq yaku lloqsimunqa, partenmi intipa qespimunan Puchqo lamar qocha lawman kallpanqa, partenñataqmi intipa seqaykunan Mediterráneo lamar qocha lawman kallpanqa. Chay yakuqa poqoypipas hinaspa chirawpipas mana tukuytam kallpanqa.

Apocalipsis 22:1

Huk angelmi chuyay-chuyay mayuta qawaykachiwarqa, chay mayuqa kawsay yakum kasqa. Chay yakuqa kasqa cristal hina chuyay-chuyaymi, chayqa lloqsimusqa Diospa hinaspa Corderopa trononmantam.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.

Jueces 15:19

Chaymi Lehi lawpi uchkumanta yakuta Tayta Dios lloqsirachimuptin tomaykuspa Sansón kallpanchakururqa. Chayraykum chay sitiota “En-hacore” nispa suticharqa, chay pukyuqa kunankamapas hinallam Lehi lawpi kachkan.