Isaías 41:14 - CHUYA QELLQA La Biblia en Quechua de Ayacucho 2012

¹⁴ Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Quechua Ayacucho Bible 1987

¹⁴ Ñoqa Tayta Diosmi nini: Yaw Jacobpa castankuna, uru hina despreciasqa kaspaykichikpas, yaw Israelpa castankuna, uru hina despreciasqa kaspaykichikpas ama manchakuychikchu. Ñoqam yanapaqnikichik kani. Israelpa Chuya Diosninqa reclamaqnikichikmi kani.

Chuya Qellqa 1992

¹⁴ Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 41:14 Iomraidhean Croise

Jobwan Sutichasqa Libro 19:25

Ñoqaqa yachanim Salvawaqniypa kawsasqanta, payqa wañuyta venceruspanmi mana huchayuq kasqayta niykuwanqa.

Jobwan Sutichasqa Libro 25:6

chaykunamantaqa aswanraqmi runaqa uru hinalla, chay uru hinallam runapa churinqa, nispa.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 37:4

Ichapas Tayta Dios uyarirqa Asiria reypa kamachimusqan runapa Tayta Diosta kamisqanta, allincha kanman chay rimasqanmanta Tayta Dios puchukachiptinqa. Chaynaqa, Diostayá puchuq kaqkunapaq mañakuy, nispa.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 43:14

Qamkuna reclamaqnikichikmi, Israelpa Chuya Diosninmi kaynata nin: Qamkunaraykum punkunkunata kichanankupaq Babilonia lawman runakunata kachasaq, Caldea runakunatam alabakusqanku barcokunapi uraykachisaq.

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 47:4

Israelta libraq Chuya Diosmi, Tukuy Atiyniyuq Tayta Diosmi nin:

Isaías 48:17

Reclamaqniki Tayta Diosmi, Israelpa Chuya Diosninmi kaynata nin: Ñoqaqa Diosnikim kani, allinnikipaq yachachiqnikim kani, maynin purinayki qawachiqnikim kani.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 54:5

Unanchaqniki qosaykim kani, Tukuy Atiyniyuq Tayta Diosmi kani, Israelpa libraqnin Chuya Diosmi kani, kay pachapa Diosninwan sutichasqam kani.

Isaías 54:8

Pisi piñakuyniypim ratollapaq qanmanta pakakururqani, ichaqa wiñaypaq kuyakuyniywanmi llakipayarqayki”. Librasuqniki Tayta Diosmi chaynata nin.

Isaías 59:20

Tayta Diosmi kaynata nin: Sión llaqtapa libraqninmi hamunqa, Jacobpa mirayninmanta wanakuqkunata libraqmi hamunqa, nispa.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Jeremías 46:27

Serviqniy Jacob, qamqa amayá manchakuychu. Qamtaqa miraynikikunatawan kuskatam karu nacionkunamanta libramusqayki, preso risqayki nacionkunamantam libramusqayki, hinaptinmi hawkalla kawsakunki, manañam pipas manchachisunkiñachu.

Jeremías 50:34

Chaywanpas paykunapa reclamaqninqa atiyniyuqmi, Tukuy Atiyniyuq Tayta Diosmi sutinpas. Paymi nanachikuspan allin arreglota ruwanqa, nacionmanpas hawkayaytam apamunqa, Babiloniamanñataqmi hatun manchakuyta apamunqa.

Lamentaciones 3:57

qayakamusqay punchawpim asuykamuwaspayki: “Ama manchakuychu”, niykullawarqanki.

Daniel 10:12

Chaymi niwarqa: Daniel, ama manchakuychu, qanmi Diosnikipa ñawpaqninpi sasallaña kaqkunata entiendeyta munarqanki, paypa ñawpaqninpi uchuychakusqaykiraykum chay punta kaq punchawmantaraq mañakusqaykita uyarispan kachamuwarqa.

Oseas 11:9

Manam imatapas ruwasaq sinchi piñakuyniyman hinachu Efraintapas kaqmantaqa manam chinkachisaqñachu, ñoqaqa Diosmi kani manam runachu, ñoqaqa chawpikichikpi kaq Chuya Diosmi kani; qamkunamanqa manam piñakuywanchu hamusaq.

Mateo 7:14

Kawsayman apakuq ñanwan punkum ichaqa kichkilla, hinaspapas sasa purinam; chay ñannintaqa asllam richkanku.

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Deuteronomio 7:7

Tayta Diosqa kuyasurqankichik hinaspa akllasurqankichik manam wakin nacionkunamanta hatun kasqaykichikraykuchu, qamkunaqa wakin nacionkunamantapas taksallam karqankichik.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Josué 17:18

Aswanqa chay montekunapas qamkunapam kanqa, chaynaqa kichamuspaykichik patankunakama hapikamuychik. Cananeokunataqa fierromanta carretayuqkuna kaptinkupas chaynataq kallpasapa kaptinkupas qarqonkichikmi, nispa.

Apocalipsis 5:9

Paykunam kay mu-soq takita takirqaku: “Sellosqa rollota paskaspa kichanaykipaq hinaqa qamllam kanki, Qamqa sacrificasqam karqanki, Diospaqmi yawarnikiwan rantiwarqankiku llapallan runakunapa miraykunamanta, tukuy rikchaq rimayniyuqkunamanta, llaqtakunamanta hinaspa nacionkunamanta.