Isaías 41:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: Lamar qochapa patanpi nacionkuna qayllaypi upallaychik, llapa llaqtakuna kallpanchakuychik, huñunakamuychik allinta rimananchikpaq, chaynapi pim cheqap kasqanta yachananchikpaq.

Quechua Ayacucho Bible 1987

¹ Tayta Diosmi nin kaynata: Qayllaypiyá qasillalla kaychik lamar qochapa patanpi nacionkuna. Mosoqmantayá kallpanchakuychik llapallan runakuna. Hamuychik kay asuntomanta rimananchikpaq. Huñunakusunchik tanteanakunanchikpaq.

Chuya Qellqa 1992

¹ Tayta Diosmi kaynata nin: Lamar qochapa patanpi nacionkuna qayllaypi upallaychik, llapa llaqtakuna kallpanchakuychik, huñunakamuychik allinta rimananchikpaq, chaynapi pim cheqap kasqanta yachananchikpaq.

Isaías 41:1 Iomraidhean Croise

Jobwan Sutichasqa Libro 38:3

Qari hina weqawnikita watakuy, tapuptiymi qamñataq contestawanki:

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 34:1

Nacionkuna, asuykamuspa uyariychik, llaqtakuna, qamkunapas uyariychik. Kay pachapas, chaypi kaqkunapas uyariychik, kay allpapi, chaypi ruruqkunapas uyariychik.

Isaías 40:31

Tayta Diosman hapipakuqkunam ichaqa musoq kallpayuq kanqaku, anka hinaraqmi pawarinqaku, kallpaspankupas manam saykunqakuchu, purispankupas manam pisipanqakuchu.

Isaías 41:5

Lamar qochapa patanpi nacionkunam rikuykuspanku mancharikunku, llapallan kay pachapi kaqkunapas pasaypaqtam mancharikunku, paykunam huñunakuruspa hamuchkanku.

Isaías 43:26

Contraypi imapas niwanayki kaptinqa hamuy rimananchikpaq, mana huchayuq kasqaykita niway, ichapas yanqamanta tumpachkayki.

Isaías 43:9

Llapa nacionkuna, lliw llaqtakuna huñunakamuychik. ¿Mayqantaq paykunamanta kaykunata willakurqa? ¿Mayqantaq ñawpaq kaqkunata kunan willakurqa? Cheqap rimaq kasqankumanta testigonkuta pusamuchunku, chaynapi uyarispanku cheqapmi kasqa ninankupaq.

Isaías 48:16

Ñoqaman asuykamuspa uyariwaychik: Qallariyninmantapas manam pakasqapichu rimarqani, tukuy chaykuna pasakuptinpas chaypim karqani. Tayta Diosmi kunan kachamuwarqa, Espiritunwanmi huntaykuwarqa.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 50:8

Salvaqniyqa hichpallaypim kachkan, ¿Pitaq ñoqawan churanakuyta munanman? Chaynaqa, juezman kuskanchik hakuchik, ¿pitaq tumpawayta atinman? Hamuspanyá uyaypi niwachun.

Habacuc 2:20

Tukuy Atiyniyuq Tayta Diosmi ichaqa sapaqchakusqan templonpi kachkan. Paypa qayllanpiyá kay pacha upallachun.

Zacarías 2:13

Chaynaqa, llapallan runakuna Tayta Diospa qayllanpi upallachun; paymi, maymi yachananmanta hatarispan ñoqanchikman hamuchkan.