Isaías 40:6 - CHUYA QELLQA La Biblia en Quechua de Ayacucho 2012

⁶ Qayakuymi uyarikurqa kayna niq: ¡Qayaykachakuy! nispa. Hinaptinmi tapurqani: ¿Imanispaytaq qayaykachakusaq? nispa. Chaymi niwarqa: Llapa runakunaqa qora hinallam, kuyayllapaq kayninkupas wayta hinallam.

Quechua Ayacucho Bible 1987

⁶ Uyarirqanim kayna niq vozta: Qayaykachakuy, niwaqniyta. Hinaptinmi tapurqani payta: ¿Ima nispaytaq qayaykachakusaq? nispa. Paymi niwarqa: Llapallan runaqa qora hinallam. Allin rurayninkupas chakrapi wayta hinallam.

Chuya Qellqa 1992

⁶ Qayakuymi uyarikurqa kayna niq: ¡Qayaykachakuy! nispa. Hinaptinmi tapurqani: ¿Imanispaytaq qayaykachakusaq? nispa. Chaymi niwarqa: Llapa runakunaqa qora hinallam, kuyayllapaq kayninkupas wayta hinallam.

Isaías 40:6 Iomraidhean Croise

Jobwan Sutichasqa Libro 14:2

Wayta hina panchiruspanmi chaylla qawirun, llantuy hina pasaruspa chinkaruqllam.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 37:27

Chaymi runankunapa kallpankupas manchakuymanta chinkarirqaraq, paykunaqa rikurirunku manaraq wiñayta tukuchkaspa chakiruq qorakuna hinam.

Isaías 40:3

Huk qayakuymi purunpi uyarikun kayna niq: “Tayta Diospa ñanninta allichaychik, Diosninchikpaq purunpi ñanta allichaychik.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 31:6

Hamuchkanmi punchaw, Efrainpa orqonkunapi llaqta waqaychaqkuna qaparispa: ¡Llapallaykichik hamuychik, Sión llaqtaman hakuchik, Diosninchikpa llaqtanman risunchik! ninankupaq.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Zacarías 1:14

Chaymi rimapayawaqniy ángel kamachiwarqa kaynata willakunaypaq: Tukuy Atiyniyuq Tayta Diosmi kaynata nin: Ñoqaqa anchatam Siontawan Jerusalén llaqtata kuyani.