Isaías 40:2 - CHUYA QELLQA La Biblia en Quechua de Ayacucho 2012

² Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Quechua Ayacucho Bible 1987

² Kuyapayakuywanyá Jerusalen llaqtapi kaqkunata rimapayaychik. Paykunamanyá qaparispa willaychik sirviente kayninkupi ñakarisqanku tukurusqanta. Willaychiktaqyá huchankumanta pagasqaña kasqanta.

Chuya Qellqa 1992

² Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Isaías 40:2 Iomraidhean Croise

Génesis 34:3

Ichaqa Siquemmi Jacobpa churin Dinata llumpayta kuyaruspan kuyakuyllawanña rimapayarqa.

2~Crónicas 30:22

Chaymi tukuy sonqowan Tayta Diosta serviq levitakunata sumaq rimaykunawan rey Ezequías kallpancharqa. Qanchis punchawmi fiestapi wañu-chisqanku animalkunata mikurqaku, Dioswan allinlla kasqankumanta ofrendatapas ofrecespankum ñawpaq taytankupa yupaychasqan Tayta Diosman graciasta qorqaku.

Éxodo 22:3

Punchaw pacha wañurachiptinmi ichaqa, wañuchisqanmanta chay maqaqnin runa sentenciasqa kanqa. Suwakusqanpi hapirachikuspanqa, dueñonmanmi sayachipunqa, sayachipunanpaq mana imanpas kaptinñataqmi suwakusqanmanta pagananpaq rantikusqa kanqa.

Eclesiastés 3:4

Kanmi tiempo waqanapaq kantaqmi asinapaqpas, kanmi tiempo lutokunapaq kantaqmi tusunapaqpas.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 14:3

Ñakariynikichikmantapas, waqasqay-kichikmantapas, esclavo kasqaykichikmantapas Tayta Dios librasuptikichikmi,

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Isaías 33:24

Sión llaqtapi yachaqkuna, manañam mayqannikichikpas ninkichikñachu: “Onqochkanim” nispaqa. Diosmi chaypi yachaqkunapa huchanta pampachanqa.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 43:25

Ñoqam ichaqa Diosniki kasqayrayku lliw mana kasukuynikikunata pampachayki, huchaykikunatapas manañam yuyasaqñachu.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 49:25

Tayta Diosmi kaynata nin: Ichapas presokunataqa allinnin qari-qari soldadomanta qechurunmanku, cheqaptam guerrapi hapikusqantapas manchakuypaq soldadomanta qechurunmanku, Ñoqam ichaqa nanachikusqayki, churikikunatapas salvasaqmi.

Isaías 51:17

¡Jerusalén llaqta rikchariy, rikcharispa hatariy! Qanmi Tayta Diospa makinmanta piñakuynin copata chaskirunki, sinkanaykikamam upyarunki, tukunaykikamam vasopi kaqta tomarunki.

Isaías 53:5

Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Isaías 54:15

Sichum pipas contraykipi hatarimuspanqa manam ñoqapa yanapasqaychu hatarimunqa. Pitapas contraykipi hatarimuqtaqa vencenkipunim.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Isaías 6:7

Chaywan simiyta tupaykachispanmi niwarqa: Kunanmi simikita kay sansa tupaykun, mana allinkuna ruwasqaykitam qechurun, huchaykikunapas pampachasqañam, nispa.

Isaías 61:7

Hatun penqaypi kasqaykichikpa rantinpim, usuchisqa kasqaykichikpa rantinpim, herenciaykichikpiña kusikuymanta qaparinkichik; chayraykum allpaykichikpi achka-achka kapuqniyuq kankichik, hinaspam wiñaypaq kusikunkichik.

Isaías 66:13

Imaynam wawanta maman consuelan chaynatam qamkunata consuelasqaykichik, Jerusalén llaqtapim consuelota tarinkichik.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 17:18

Qatikachawaqniykuna penqaypi tarikuchunku, amayá ñoqachu; paykunayá manchakuypiqa kachunku, amayá ñoqachu; sasachakuy punchaw paykunaman chayachun paykunatayá pasaypaqta chinkarachiy.

Jeremías 29:11

Qam-kunapa allinnikichikpaq imam ruway munasqaytaqa sumaqtam yachani. Qamkunapa allinnikichiktam tanteachkani, manam mana allinnikichiktachu, chaynapi hamuq punchawkunapi hawka kawsakunaykichikpaq. Ñoqa Tayta Diosmi chaynata nini.

Jeremías 51:10

Tayta Diosmi sentenciaspa favoreceykuwanchik. Hamuychik, ñoqanchikpaq Diosninchikpa imam ruwasqanta Sión llaqtapi willakamusunchik.

Lamentaciones 4:22

Sión llaqta, castigasqa kaynikiqa tukurunñam, Tayta Diosqa manañam presota apachisunkiñachu. Edom nacionpi kaqkuna, Tayta Diosmi huchaykichikmanta castigasunkichik, huchaykichiktam lliwman qawachinqa.

Ezequiel 16:42

Chaynatam contraykipi piñakuyniyta tanichisaq, celoso kayniypas tukunqam, hawkayaspaymi manaña mastaqa piñakusaqchu.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Daniel 12:9

Hinaptinmi payñataq niwarqa: Daniel, pasakuyña. Kay willasqayku-naqa wichqasqañam, tukupay tiempo-kamam sellasqaña kachkan.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Daniel 9:2

Pay punta kaq watapi munaychakuyta qallarichkaptinmi, ñoqa Daniel profeta Jeremiaspa qellqanta estudiachkarqani, chay qellqapim rimachkan Jerusalén llaqtaqa qanchis chunka watapuni purmachisqa kananmanta, Jeremiasmanmi Tayta Dios chaynata nirqa.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Oseas 2:16

Chay punchawkunapiqa manañam “dueñolláy” niwanqañachu, aswanqa “qosalláy” nispañam niwanqa.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Sofonías 3:15

Tayta Diosmi castigasunaykipaq rimarisqanta suchurachin, enemigoykikunatam qarqorun. Israel llaqta, reyniki Tayta Diosmi chawpikipi tarikun, manañam imamantapas manchakunkiñachu.

Zacarías 1:13

Hinaptinmi rimapayawaqniy angelta rimapayamuspan, kuyapayakuq hinaspa consuelakuq simikunata Tayta Dios nimurqa.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Zacarías 9:12

Librasqa kayta suyaqkuna, murallasqa llaqtaykichikman kutikuychik. Kunanmi qamkunaman willachkaykichik, iskay kuti mastaraqmi kutichipusqaykichik.

Hechos 1:7

Chaymi nirqa: Manam yachanaykichikchu imay tiempom otaq ima punchawmi kaykuna kanantaqa, Dios Taytallam atiyniyuq chay tiempota akllananpaqqa.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

Apocalipsis 18:6

Paykunamanqa qosqankuman hina kutichipuychik, ruwasqankuman hina huk chaynatawan pagapuychik, upyachisqanman hina huk chaynatawan upyachiychik.