Isaías 40:18 - CHUYA QELLQA La Biblia en Quechua de Ayacucho 2012

¹⁸ ¿Piwantaq Tayta Diosta rikchanachiwaqchik? ¿Imaman rikchakuqtataq payta ruwawaqchik?

Quechua Ayacucho Bible 1987

¹⁸ ¿Pimantaq rikchachinkichik Tayta Diostaqa? ¿Imaman rikchakuqtataq rurawaqchik paytaqa?

Chuya Qellqa 1992

¹⁸ ¿Piwantaq Tayta Diosta rikchanachiwaqchik? ¿Imaman rikchakuqtataq payta ruwawaqchik?

Isaías 40:18 Iomraidhean Croise

Jobwan Sutichasqa Libro 40:9

¿Ñoqa hina atiyniyuqchu kanki? ¿Rayopa qaparisqanta hinachu qampas qaparinki?

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Éxodo 20:4

Amam imaman rikchakuq idolotapas ruwakunkichu, hanaq pachapi kaqman, kay pachapi kaqman, allpa ukupi kaqman nitaq yakupi kaqman rikcha-kuqtapas.

Éxodo 8:10

Hinaptinmi Faraón nirqa: Paqarinpuni chinkachichun, nispa. Chaymi Moisés nirqa: Tayta Dioslla, Dios kasqanta yachanaykipaqmi mañakusqaykiman hina ruwasqa kanqa.

Éxodo 9:14

kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta.

Isaías 40:25

Chuya Diosmi kaynata tapukun: ¿Piwantaq rikchanachiwankichikman? ¿Pitaq ñoqaman rikchakuq kanman? nispa.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 46:5

¿Piman rikchakuqpaqtaq hapiwankichik? ¿Pimantaq tupachiwankichikman? ¿Yaqachu pipas ñoqaman rikchakuq kanman?

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Jeremías 10:1

Israelpa mirayninkuna, Tayta Diospa nisusqaykichikta uyariychik.

Jeremías 10:16

Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Jeremías 10:6

Dios Taytalláy, qam hinaqa manam pipas kanchu. Ancha hatunmi qamqa kanki, sutikipas hatun atiyniyuqmi.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Hechos 17:29

Diospa mirayninkuna kachkaspaqa, amayá Diosmantaqa piensasunchu qorimanta, qollqemanta, rumimanta ruwasqa idolokuna hina kasqantaqa, chaykunataqa runakunallam tanteasqanman hina ruwarqaku.

Deuteronomio 33:26

Jesurunpa Diosnin hinaqa manam kanchu, yanapasunaykipaqmi atiyninwan cielokunapa hawanpi purichkan, puyu hawantam hamuchkan.

Deuteronomio 4:15

Horeb orqopi rupachkaq nina ukumanta Tayta Diospa rimapayamususqaykichik punchawpiqa manam ima rikchaytapas rikurqankichikchu. Chaynaqa, huchaman urmanaykichikmanta waqaychakuychik, yanqañataq qariman otaq warmiman rikchakuq idolokunata ruwaspa huchallikuwaqchik.

Colosenses 1:15

Mana rikuy atina Diospa rikchayninqa Cristom, llapa imakunapas manaraq unanchasqa kachkaptinqa payqa karqañam.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

1~Samuel 2:2

Dios Taytalláy, ¡Qam hina chuyaqa manam pipas kanchu! ¡Qanmanta hukqa manam pipas kanchu! ¡Qam hina harkaykuwaqniyqa manam pipas kanchu.