Isaías 40:1 - CHUYA QELLQA La Biblia en Quechua de Ayacucho 2012

¹ Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Quechua Ayacucho Bible 1987

¹ Yupaychasqaykichik Tayta Diosmi nin: Runaykunata consuelaychik. Paykunata consuelaychik.

Chuya Qellqa 1992

¹ Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 40:1 Iomraidhean Croise

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Eclesiastés 3:4

Kanmi tiempo waqanapaq kantaqmi asinapaqpas, kanmi tiempo lutokunapaq kantaqmi tusunapaqpas.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 3:10

Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Isaías 41:27

Ñoqam ñawpaqmantaraq Sión runakunaman yachachirqani, ñoqataqmi Jerusalenmanpas allin noticia willakuqta kacharqani.

Isaías 50:10

Tayta Diosllata kasukuqkuna, serviqninpa willakusqanta uyariqkuna, tutayaypi purispa achkita mana tariy atiqkuna, Tayta Diosllaman hapipakuychik, Diosllaykichikman hapipakuychik.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Ezequiel 16:42

Chaynatam contraykipi piñakuyniyta tanichisaq, celoso kayniypas tukunqam, hawkayaspaymi manaña mastaqa piñakusaqchu.

Zacarías 1:13

Hinaptinmi rimapayawaqniy angelta rimapayamuspan, kuyapayakuq hinaspa consuelakuq simikunata Tayta Dios nimurqa.

Zacarías 1:17

Chay angelqa kamachiwarqataqmi kaytapas: Tukuy Atiyniyuq Tayta Diosmi kaynata nin: “Llaqtaykunatam huktawan allin kaqkunawan llimparichisaq. Kikiypunim Sión llaqtata consuelaykusaq, hinaspaymi Jerusalentapas kaqllamanta llaqtaypaqña akllakuykusaq”, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

2~Corintios 1:4

Paymi tukuy sasachakuyninchikpi kallpanchawanchik, chaynapi ñoqanchikpas sasachakuypi kaqkunata Diospa kallpanchawasqanchikman hina kallpanchananchikpaq.

1~Tesalonicenses 4:18

Kay palabrakunawanyá kallpan-chanakuychik.