Isaías 4:5 - CHUYA QELLQA La Biblia en Quechua de Ayacucho 2012

⁵ Tayta Diosmi unanchanqa, Sión moqopi yachaqkunapa hawanpi, chaypi huñunasqa llaqtapa hawanpi, punchawpi rupaypaq yana puyuta, tutayaypi kanchananpaqñataq lenwachkaq ninata. Chaynapim Tayta Diospa atiyninqa, llaqtanta toldo hina qataykunqa,

Quechua Ayacucho Bible 1987

⁵ Sion Moqopa tukuy hawanmanmi, chaypi huñunasqakunapa hawanmanmi punchawpi rikurichispa mastarinqa yanay-yanay puyuta. Tutanñataqmi churanqa kanchariq lenguachkaq ninata. Chay achkiriyninmi toldo hina kanqa. Llapallankupa hawanpim toldo hina kanqa.

Chuya Qellqa 1992

⁵ Tayta Diosmi unanchanqa, Sión moqopi yachaqkunapa hawanpi, chaypi huñunasqa llaqtapa hawanpi, punchawpi rupaypaq yana puyuta, tutayaypi kanchananpaqñataq lenwachkaq ninata. Chaynapim Tayta Diospa atiyninqa, llaqtanta toldo hina qataykunqa,

Isaías 4:5 Iomraidhean Croise

Nehemías 9:12

Punchawmi sayanpa puyuwan pusarqanki, tutanñataqmi sayanpa ninawan pusarqanki, chaynatam rinanku ñanta achkirqanki.

Éxodo 14:24

Yaqa pacha achikyaqtañam Egipto runakunapa tropanta, sayanpa ninamantawan puyumanta Tayta Dios qawarispa chaqwanarachirqa,

Éxodo 24:16

Tayta Diospa atiyninmi Sinaí orqopa hawan-man tiyaykurqa. Soqta punchawmi orqota puyu taparurqa. Qanchis kaq punchawpiñataqmi puyu ukumanta Moisesta Tayta Dios qayamurqa.

Éxodo 26:1

Huk carpatam chunka cortinakunamanta ruwanki, chay cortinakunam kanqa kawpusqa linomanta chaynataq morado, grosella hinaspa guindo qaytumanta. Chay cortinapim iskay querubinkunata suma-sumaqta bordachinki.

Éxodo 26:7

Ruwankitaqmi cabrakunapa pelonmanta chunka hukniyuq cortinakunatapas, chaykunam chay carpapa qatan kanqa.

Isaías 32:18

Chaymi llaqtayqa waqaychasqa wasikunapi hawkalla yachakunqaku, mana pipapas ima nisqanmi hawkalla yachanqaku.

Isaías 33:20

Sión llaqtata qawariy, hatun fiestakuna ruwananchik llaqtata qawariy, Jerusalén llaqtata qawariy, hawka samarina llaqtata qawariy. Mana suchuchiy atina carpam kanqa, estacankunapas mana chutay atinam kanqa, waskankunapas mana tipiy atinam kanqa.

Isaías 37:35

Ñoqam kay llaqtata waqaychasaq kikiyraykum chaynata ruwasaq. Serviqniy Davidta kuyasqayraykum chaynata ruwasaq”, nispa.

Isaías 46:13

Allin ruwayniykunam chayamuchkanña, manam unamunqañachu. Sionpi yachaqkunatam salvasaq, Israel runaykunapim hatunchakusaq.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Isaías 60:2

Kay pachatam tutayay intuykun, tutayaymi nacionkunata pampaykun; qamtam ichaqa Tayta Dios kanchaykusunki, achkiriyninmi hawaykipi qawachikunqa.

Mateo 18:20

Maypipas iskayllapas otaq kimsallapas ñoqapa sutiypi huñunakuptinkuqa, paykunapa chawpinpim ñoqapas kachkani, nispan.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.