Isaías 4:2 - CHUYA QELLQA La Biblia en Quechua de Ayacucho 2012

² Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Quechua Ayacucho Bible 1987

² Chay tiempopiqa Tayta Diospa ikllichisqan planta hinam huk runaqa kanqa. Suma-sumaq allin reqsisqa planta hinam chay runa kanqa. Allpankupi cosechasqankum alabakunankupaq suma-sumaq kanqa. Israelpa mirayninkunamanta lluptiqkunapa alabakunanpaqmi kanqa.

Chuya Qellqa 1992

² Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 4:2 Iomraidhean Croise

Éxodo 28:2

Wawqeki Aaronpaqmi suma-sumaq pachata ruwapunki chaynapi ancha reqsisqa kananpaq.

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Isaías 26:1

Chay tiempopim, Judá nacionpi kay takita takinqaku: Allin takyasqa llaqtam kapuwachkanchik, salvawanakupaqmi perqakunatawan torrekunata Tayta Dios hatarirachin.

Isaías 27:6

Hamuq punchawkunapim Jacobqa sapichakunqa, Israelmi chikllispa sisanqa rurunkunam kay pachata huntaykunqa.

Isaías 30:23

Señormi parachimunqa tarpukuynikichikman, chaynapim kawsaynikichikpas allinta qespiptin chaninninpi mikunkichik. Animalnikichiktapas chay tiempopiqa hatu-hatun echaderokunapim michinqaku.

Isaías 45:8

Tayta Diosyá allin ruwayta hanaq pachamanta chayachimuchun, allin ruwaytayá sullata hinaraq hanaq pachamanta uraykachimuchun, puyukunamantayá parata hina chayachimuchun, allin ruwayá kay pachapi kachun, Tayta Diosyá salvacionta chayachimuchun.

Isaías 53:2

Serviqninmi chaki allpapi sapichakuq plantapa ikllipan hina Diospa qayllanpi wiñanqa. Rikchayninpas sumaq kayninpas manam kuyayllapaqñachu karqa, qawariptinchikqa rikchayninpas manam munayllapaqñachu karqa, chaynapi kuyananchikpaq.

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:11

Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 33:15

Chay punchaw chayaramuptinmi Davidpa mirayninmanta huk ikllipata hatarichisaq; paymi allin kaqkunata ruwaspan, allin arreglokunata ruwaspan kay allpapi munaychakunqa.

Jeremías 44:14

Judá nacionpi puchuspa Egiptoman yacha-nankupaq ayqemuqkunamantaqa ma-nam hukllapas lluptinkichikchu nitaqmi kawsankichikchu. Judá nacionman maynataña kutiyta munaspapas manam atinkichikchu, kutispaqa-kutinqa kaymanta lluptiqkunallañam, nispa.

Jeremías 44:28

Asllañam guerrapi wañunaykichikmanta lluptispa Egiptomanta Judá nacionman kutinkichik. Chaynapim Judá nacionmanta Egiptoman hamuqkuna yachanqaku, ñoqapa rimasqaychus icha qamkunapa nisqaykichikchus cumplikusqanta.

Ezequiel 34:29

Ancha ruruq allpata paykunaman qoykuptiymi yarqaymantaqa manaña ñakarinqakuñachu, nitaqmi huklaw nacionkunapas paykunataqa asipayanqakuñachu.

Ezequiel 36:8

Israel nacionpi orqokuna, qamkunam ichaqa kallmasapallaña sachayuq kankichik. Qamkunaqa Israel runaykunapaqmi sumaqllataña rurunkichik, paykunapa kutimunanqa hichpamuchkanñam.

Ezequiel 7:16

Wañuymanta lluptiqkunapas qechwa palomakuna hinam orqokunaman ayqenqaku, ichaqa huchankuraykum lliw wañunqaku.

Joel 2:32

Pipas Diosninpaq chaskiykuwaqniytam ichaqa salvaykusaq; nisqayman hinam Sión moqopiwan Jerusalén llaqtapiqa salvakunqaku, akllakusqaykunawan kuskam salvakunqaku.

Joel 3:18

Chay tiempokunapiqa orqokunapas vinotam pullpurimunqa, moqokunamantapas lechem lloqllarimunqa, Judá nacionpa llapa yarqankunatapas achkallaña yakukunam kallpanqa; Tayta Diospa templonmantapas yaku lloqsispanmi Sitim llaqtapa qechwankunata parqonqa.

Abdías 1:17

Sión moqopim ichaqa asllapas salvakunqaraq Sionqa ñoqapaq sapaqchasqam kanqa. Jacobpa mirayninkunapas yapamantam kapuqninkunata kutichikunqaku.

Zacarías 3:8

Chaynaqa, sumo sacerdote Josué kayta uyariy, uyariwachuntaq sacerdotemasikikunapas, qamkunaqa qepa punchawkunapaqmi señal hina kankichik: Ñoqam pusamusaq serviqniyta, “Ikllirimuqta”, nispa.

Zacarías 6:12

Hinaspam Josueyta ninki, Tukuy Atiyniyuq Tayta Diosmi kaynata nin: Kaymi chay “Ikllirimuq” nispa sutichasqa runa, paymi sapinmanta ikllimuspan Tayta Diospa templonta musoqmanta hatarichinqa.

Zacarías 9:17

¡Mayna allinraq kanqa! ¡Mayna sumaqraq kanqa! Trigopas jovenkunatam kusichinqa, vinoñataqmi sipaskunata kusichinqa.

Malaquías 3:17

Tukuy Atiyniyuq Tayta Diosmi nin: Huk punchawtam allichachkani chay-napi paykuna huktawan llaqtay kanan-kupaq. Huk tayta serviqnin churinmanta llakipayarikusqanta hinam ñoqapas paykunamanta llakipayarikusaq.

Mateo 24:22

Sichum chay ñakariy punchawkuna mana asllayachisqa kaptinqa manachá pipas wañuymanta librakunmanchu. Ichaqa akllasqakunaraykum chay punchawkunaqa asllayachisqa kanqa.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

2~Pedro 1:16

Señorninchik Jesucristopa atiy-ninmantawan kutimunanmanta yacha-chisqaykuqa manam sakri cuentochu, aswanqa kikiykum ñawiykuwan Señorpa ancha atiyninta rikurqaniku.