Isaías 4:1 - CHUYA QELLQA La Biblia en Quechua de Ayacucho 2012

¹ Chay tiempopim qarikuna asllaña qepanqaku, hinaptinmi qanchis warmikuna chullalla qarita qechunakuspa ninqaku: “Ñoqaykum mikunaykutapas maskakusaqku hinaspa pachaykutapas ruwakusaqku, qosaykuñayá kaykuy sutikita apanaykupaq, chaynapi amaña penqaypi kanaykupaq”, nispanku.

Quechua Ayacucho Bible 1987

¹ Chay tiempopim qanchis warmikuna chullalla qarita hapispa ninqaku: “Ñoqaykuqa kikiykum mantienekusaqku. Ñoqaykuqa kikiykum pachakusaqku. Qosayku hinañayá kaykuy apellidoykita apanaykupaq, chaynapi mana qosayoq hina amaña penqaypi kanaykupaq.”

Chuya Qellqa 1992

¹ Chay tiempopim qarikuna asllaña qepanqaku, hinaptinmi qanchis warmikuna chullalla qarita qechunakuspa ninqaku: “Ñoqaykum mikunaykutapas maskakusaqku hinaspa pachaykutapas ruwakusaqku, qosaykuñayá kaykuy sutikita apanaykupaq, chaynapi amaña penqaypi kanaykupaq”, nispanku.

Isaías 4:1 Iomraidhean Croise

Génesis 30:23

Wiksayakuruspam qari wawata wachakururqa, hinaspam nirqa: Penqakuyniytam Dios chinkarachin, nispa.

2~Samuel 6:23

Chaymi Saulpa churin Micalqa wañunankama mana wawayuq karqa.

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 13:12

Llapa runakunatam asllayarachisaq, Ofir lawpi suma-sumaq qorimantapas aswantaraqmi asllayarachisaq.

Isaías 17:7

Chayna punchawkuna kaptinmi runakuna unanchaqninta yuyarispa maskanqaku, Israelpa Chuya Diosnintam qawarinqaku.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 3:6

Chayna kaptinmi wawqellanta hapiruspan hukkaq runa ninqa: “Qampaqa pachayki kachkanraqmi chaynaqa kamachiwayku, qamyá kay purmachisqa llaqtapi kamachikuy”, nispa.

Isaías 54:4

Ama manchakuychu, manam penqaypichu kanki, ama pinqakuychu manam kamisqachu kanki; warma kaspa penqaypi kasqaykitapas qonqankiñam, viuda kaspayki kamisqa kasqaykitapas manam yuyarinkiñachu.

Jeremías 15:8

Lamar qochapi aqomantapas masraqmi viudakunapas kanqa, chawpi punchawtam mamanmanwan wawankunamanpas wañuchiqta kachamusaq, qonqaymantam paykunaman ñakariytawan manchakuyta kacharimusaq.

Lucas 1:25

“Señormi kaynata ruwaruwan, chaynapi runakuna manaña asipayawananpaq”, nispa.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

2~Tesalonicenses 3:12

Chay runakuna-tam nimuniku: Señorninchik Jesucristopa sutinpi qaqchaspam kama-chimuniku, hawkalla llamkaspayá ganakusqankuwan mikuchunku.

1~Samuel 1:6

Chayraykum Peninaqa, Anata kamispan anchata llakichiq, mana wachakuqta Dios ruwasqanrayku.