Isaías 39:2 - CHUYA QELLQA La Biblia en Quechua de Ayacucho 2012

² Ezequiasmi chaykunawan kusirikuspan, mana imatapas pakaykuspan palacionpi kaqkunata paykunaman qawachirqa, qawachirqataqmi kamachikusqan nacionpi tukuy kapuqninkunatapas: Qorita, qollqeta, perfumekunata, miski asnaq aceiteta, armakuna waqaychanan wasita, wasinpi tukuy ima waqaychasqantapas.

Quechua Ayacucho Bible 1987

² Ezequias chaykunawan kusirikuspanmi paykunaman qawachirqa palacionpi llapa imanta: qori-qollqeta, especeriakunata, miski asnaq aceiteta, armakuna waqaychananta, qawachirqataqmi wasinpi tukuy imakuna waqaychasqantapas. Mana imatapas pakaykuspanmi paykunaman qawachirqa palacionpi kaqkunata chaynataq gobiernasqan nacionpi tukuy kapuqninkunatapas.

Chuya Qellqa 1992

² Ezequiasmi chaykunawan kusirikuspan, mana imatapas pakaykuspan palacionpi kaqkunata paykunaman qawachirqa, qawachirqataqmi kamachikusqan nacionpi tukuy kapuqninkunatapas: Qorita, qollqeta, perfumekunata, miski asnaq aceiteta, armakuna waqaychanan wasita, wasinpi tukuy ima waqaychasqantapas.

Isaías 39:2 Iomraidhean Croise

1~Reyes 10:10

Hinaspam Salomonman qorqa kimsa waranqa isqon pachak soqta chunka kilo qorita, miski asnaq achka perfumekunata chaynataq alhaja rumikunatapas. Sabá nación reinapa nana-nanaq miski asnaq perfumekuna apamusqanta hinaqa manam pipas Salomonmanqa apamurqakuchu.

1~Reyes 10:15

Manam yupasqachu karqa negociantekunamanta, Arabia law reykunamanta chaynataq Israel nacionpi kamachikuqkunamanta impuesto chaskisqanqa.

1~Reyes 10:2

Hinaspam achka serviqninkunawan Jerusalén llaqtaman chayarurqa. Camellokunapim apamurqa miski asnaq perfumekunata, achka qorita hinaspa alhaja rumikunata. Salomonpa kasqanman chayaramuspanmi sonqonpi llapa ima tanteasqanta tapurqa.

1~Reyes 10:25

Llapallankum qorita, qollqeta serviciokunata, sumaq pachakunata, armakunata, miski asnaq perfumekunata, caballokunata hinaspa mulakunata regalanankupaq sapa wata apamuqku.

2~Reyes 20:13

Ezequiasñataqmi chaykunawan kusikuspan, mana imatapas pakaykuspan palacionpi kaqkunata chaynataq munaychakusqan nacionpi tukuy kapuqninkunatapas paykunaman qawachirqa: Qorita, qollqeta, especeriakunata, miski asnaq aceiteta, armakuna waqaychananta, wasinpi tukuy imakuna waqaychasqantapas.

2~Crónicas 32:25

Rey Ezequiasmi ichaqa allinkunata chaskichkaspanpas mana reqsikurqachu, aswanmi hatun tukuqllaña rikurirurqa, chayraykum paypa contranpi, Judá nacionpa contranpi hinaspa Jerusalenpa contranpi Tayta Dios piñakururqa.

2~Crónicas 32:27

Rey Ezequiasqa apullaña hinaspa ancha reqsisqam karqa; payqa qori-qollqetawan alhaja rumikunata, perfumekunata, escudokunata hinaspa tukuy rikchaq kuyayllapaq kaqkunatapas achkallatañam huñukururqa.

2~Crónicas 32:31

Babilonia lawpi kamachikuqkunam runankunata kachamurqaku Judá nacionpi milagro apakusqanmanta yachanankupaq. Ezequiaspa sonqonpi tukuy ima kaqkunata pruebananpaqmi paymanta Tayta Dios karunchakururqa.

2~Crónicas 9:1

Salomón ancha reqsisqa kasqanmanta Sabá nacionpa reinan uyariruspanmi sasa tapukuykunawan pruebananpaq Jerusalén llaqtaman hamurqa, achka serviqninkunawan kuska, camellokunapi miski asnaq perfumekunata, achka qorita hinaspa alhaja rumikunata aparisqa. Salomonpa kasqanman chayaramuspanmi sonqonpi tanteasqanman hina tukuy imata tapurqa.

2~Crónicas 9:9

Hinaspanmi rey Salomonman qoykurqa kimsa waranqa isqon pachak soqta chunka kilo qorita, qorqataqmi achkallaña miski asnaq perfumekunatawan kuyayllapaq alhaja rumikunatapas. Kay reinapa qosqanta hina nana-nanaq miski asnaq perfumekunataqa manam pipas Salomonmanqa qorqachu.

Jobwan Sutichasqa Libro 31:25

Manam llumpay apu kayniypichu kusikurqani, nitaqmi llumpay qollqe ganasqaypichu kusikurqani.

Proverbios 4:23

Tukuy ima waqaychasqaykimantapas, aswanqa sonqoykitayá waqaychay, chaymantam imayna kawsaypas lloqsimun.

Eclesiastés 7:20

Kay pachapiqa manam hukllapas kanchu allinllata ruwaspa mana haykapipas huchallikuq runaqa.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

2~Corintios 12:7

Chay rikusqay suma-sumaq revelacionmanta mana hatun tukunaypaqmi, kichkapa tipakuyninta hina aychaypi qowarqa, chayqa karqa ñakarichiwananpaq Satanaspa kachamusqan toksikuq puyam.

1~Juan 1:8

Mana huchayuqmi kani nispan-chikqa kikillanchiktam engañakuchkanchik, hinaptinqa cheqap kaqqa manam ñoqanchikpiqa kanchu.