Isaías 37:4 - CHUYA QELLQA La Biblia en Quechua de Ayacucho 2012

⁴ Ichapas Tayta Dios uyarirqa Asiria reypa kamachimusqan runapa Tayta Diosta kamisqanta, allincha kanman chay rimasqanmanta Tayta Dios puchukachiptinqa. Chaynaqa, Diostayá puchuq kaqkunapaq mañakuy, nispa.

Quechua Ayacucho Bible 1987

⁴ Icharaqpas yupaychasqanchik Tayta Dios uyarinman chay kamachikuqpa rimasqankunata. Paytam Asiria nacionpa reynin kachamurqa kawsaq Diosta insultananpaq, allinchá kanman chay uyarisqanmanta yupaychasqanchik Tayta Dios paytapas qaqchaptinqa. Chaynaqa Diostayá mañakuy wakin puchuqkunapa favorninpi —nispa.

Chuya Qellqa 1992

⁴ Ichapas Tayta Dios uyarirqa Asiria reypa kamachimusqan runapa Tayta Diosta kamisqanta, allincha kanman chay rimasqanmanta Tayta Dios puchukachiptinqa. Chaynaqa, Diostayá puchuq kaqkunapaq mañakuy, nispa.

Isaías 37:4 Iomraidhean Croise

2~Samuel 16:12

Ichapas ñakarisqayta qawariwaspa, ñakawasqanpa rantinpi Tayta Dios bendeciykuwanmanraq, nispa.

2~Reyes 17:18

Chayraykum Israelpa contranpi anchallataña piñakuruspan qayllanmanta Tayta Dios chinkarachirqa, Judá ayllullañam puchururqa.

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

2~Crónicas 28:19

Tayta Diosmi Judá nacionta penqayman churarqa reynin Acazpa huchanmanta, paymi Tayta Diospa contranpi llumpayta huchallikururqa, Judá runakunatapas payraqmi Tayta Diospa contranpi huchallichirqa.

2~Crónicas 34:21

Rispaykichikyá Tayta Diosta tapumuychik ñoqamanta, Israel nacionpi chaynataq Judá nacionpi puchuq runakunapaqpas, kay tarisqanku libropa imam nisqanmanta; kay libroman hinaqa ñawpaq taytaykichikkuna mana kasukusqankuraykum Tayta Diospa piñakuynin contranchikpi mancharikuyllapaqña kachkan, nispa.

Isaías 1:8

Uvas chakrapi chuklla hinam Sión llaqtaqa sapallanña qeparun. Pepino chakrapa chawpinpi hatus hinam, enemigonpa muyurusqan llaqta hinam, sapallanña qeparun.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 10:22

Israel miraykuna, qamkunamanta lamar qochapi aqo hinaña kachkaspapas, asllañam kutimunqaku. Citasqañam kachkankichik allin arregloman hina chinkachisqa kanaykichikpaq.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 36:13

Chaynata niruspanmi sayaykuspan hebreo simipi qaparispan nirqa: Asiria nacionpa ancha reqsisqa reyninpa nisqanta uyariychik:

Isaías 36:18

Ezequiaswanqa amayá engañachikuychikchu, Tayta Diosmi waqaychawasun nisuptikichikpas. Wakin nacionkunapa diosninkunaqa ¿yaqachu mayqanllanpas nacionnin librayta atirqa Asiria nacionpa reyninmanta?

Isaías 36:20

Chay nacionkunapa llapallan diosninkunamanta ¿mayqannintaq ñoqamanta nacionnin librayta atirqa? Chaynaqa, ama niychikchu Tayta Diospas Jerusalén llaqtata ñoqamanta waqaychanantaqa, nispa.

Isaías 37:17

Dios Taytalláy, qawariwaspa uyariykullaway, hinaspayá rey Senaqueribpa qam kawsaq Diosta kamisusqaykita uyariykuy.

Isaías 37:31

Judá llaqtapi puchuqkunam takyasqa sacha hina kanqaku, sapichakuspam allinta rurunqaku.

Isaías 37:32

Jerusalén llaqtamantam miranqaku, lluptiqkunapas Sión llaqtamantam miranqaku. Tukuy Atiyniyuq Tayta Diospa kuyakuyninmi chaynata ruwanqa.

Isaías 37:5

Rey Ezequiaspa serviqninkuna Isaiaspaman chayaruptinkum,

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 46:3

Jacobpa mirayninkuna uyariwaychik, Israel nacionmanta puchuqkuna uyariwaychik: Manaraq nacechkaptikichikmi ñoqa qepikacharqaykichik, nacesqaykichik punchawmantam marqakacharqaykichik.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Daniel 2:18

chay pakasqa kaqkunamanta hanaq pacha Diospa yanapakuyninta mañakunankupaq; chaynapi Babilonia nacionpi wakin yachayniyuqkunatawan kuskata mana wañurachinankupaq.

Joel 2:17

Templopa punkunmanta altarman rinapiyá Tayta Diospa sacerdotenkuna waqaspa kaynata mañakuchunku: ¡Dios Taytallayku, llaqtaykita pampachaykuy, amayá churikikunata penqayman kachaykuychu, amayá huk nacionkuna paykunapi munaychakuchunchu! ¿Imapaqtaq nacionkuna ninmanku: “Maypitaq Diosninku kachkan”, nispanku?

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Amós 7:2

Chay aqaruwaykuna qorakunatapas mikuyta tukuruptinkum mañakurqani: Dios Taytalláy, pampachaykullawayku, Israel llaqtaqa aschallam kaniku, ¿pitaq hatarichiwanqaku? nispay.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.

Josué 14:12

Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 7:8

Chaymi Samuelta nirqaku: Tuta punchawyá yupaychasqanchik Diosta, Tayta Diosninchikta mañapuwayku, chaynapi filisteokunapa makinmanta librawanankupaq, nispanku.