Isaías 37:3 - CHUYA QELLQA La Biblia en Quechua de Ayacucho 2012

³ Paykunam nirqaku, Ezequiasmi kaynata nin: Kunan punchawqa ancha llakisqa, ñakarichisqa, penqayman churasqam kachkanchik. Wachakunanpaq kachkaspan manaña kallpayuq warmi hinam kachkanchik.

Quechua Ayacucho Bible 1987

³ Paymanmi Rey Ezequiaspa nisqanta kaynata nirqaku: —Llakisqa, qaqchasqa, insultasqa kasqanchik punchawmi kunan punchawqa. Wachakunanpaq kachkaspan manaña kallpayoq warmi hinam kachkanchik.

Chuya Qellqa 1992

³ Paykunam nirqaku, Ezequiasmi kaynata nin: Kunan punchawqa ancha llakisqa, ñakarichisqa, penqayman churasqam kachkanchik. Wachakunanpaq kachkaspan manaña kallpayuq warmi hinam kachkanchik.

Isaías 37:3 Iomraidhean Croise

2~Reyes 19:3

Paymanmi rey Ezequiaspa nisqanta kaynata nirqaku: Kunan punchawqa ancha llakisqa, qaqchasqa, insultasqam kachkanchik. Wachakunanpaq kachkaspan manaña kallpayuq warmi hinañam kachkanchik.

2~Crónicas 15:4

Ichaqa sasachakuypi kaspankum Israelpa yupaychasqan Tayta Diosman kutirikuspa maskaspanku tarirqaku.

Isaías 22:5

Tukuy Atiyniyuq Tayta Diosmi munarqa, revelación chaskina qechwaman kayna ñakariy chaqwa punchaw hamunanta, llaqtapa murallankunata tuñichiptinku orqokunapi uyarikunankama qaparinankuta.

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Isaías 29:2

Ariel llaqtata, ñoqam sasachakuyman churasqayki, waqakuypi hinaspa sinchi llakikuypim tarikunki, kañapuwanankupaq altar hinam kanki.

Isaías 33:2

Dios Taytallayku, qamllapi suyasqaykuraykuyá llakipayariykullawayku, qamyá sapa tutapayta kallpanchaykuwayku, sasachakuyniyku punchawpiyá salvaykuwayku.

Isaías 66:7

Jerusalenmi manaraq tiemponpi wachakurun, manaraq nanaynin hapichkaptinmi qari wawata wachakurun.

Isaías 66:9

Ñoqa Tayta Diosmi nini: Ñoqaqa kawsay qokuqmi kani, ¿imaynataq wachakunanta harkakuyman miranankuta munachkaspayqa? nispa.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Oseas 13:13

Nacenanpaq nanaymi chayaramun, Efrainmi ichaqa mana musyakuq wawa hina, maman wachakuptinmi nacemunanpaq kachkaspan chakakurun.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Oseas 5:9

Israel ayllukunamanmi cheqaptapuni imam pasananmanta willachini, castigasqay punchawmi Efrainpas chinkanqa.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.