Isaías 34:4 - CHUYA QELLQA La Biblia en Quechua de Ayacucho 2012

⁴ Llapa chaskakunam wichirinqa, cielokunapas papel hinam qapichukunqa, llapa chaskakunam tutayanqa, imaynam uvaspawan higospa llaqen chakispan wichimusqanta hina.

Quechua Ayacucho Bible 1987

⁴ Cielokunapi llapallan lucerokunam wichirirunqa. Cielokunapas papel wankusqa hinam rollokurunqa. Cielokunapi llapallan lucerokunam wichiramunqa. Uvaspa rapin wichichkaq hinam wichiramunqa. Higos sachapa rapin wichichkaq hinam wichiramunqa.

Chuya Qellqa 1992

⁴ Llapa chaskakunam wichirinqa, cielokunapas papel hinam qapichukunqa, llapa chaskakunam tutayanqa, imaynam uvaspawan higospa llaqen chakispan wichimusqanta hina.

Isaías 34:4 Iomraidhean Croise

Isaías 13:10

Chayraykum cielokunapi chaskakunapas manaña kanchanqachu, intipas qespiykamuspallam tutayarunqa, killapas tutayaruspam manaña kanchanqachu.

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 14:12

Achikyaq chaska ¡Imaynamá cielomantaqa wichiykamunki! Nacionkunata purmachiq kachkaspaykiqa, ¡imaynamá kay pachamanqa wischurachikamunki!

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 3:15

Intipas killapas tutayarunqam, chaskakunapa kanchayninpas chinkarunqam.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Hebreos 12:27

“Huktawanraqmi” nispaqa nichkan tukuruqlla kaqkunata chinkachispan manaña haykapipas tukuqta wiñaypaq takyachinanmantam.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 6:12

Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.