Isaías 34:1 - CHUYA QELLQA La Biblia en Quechua de Ayacucho 2012

¹ Nacionkuna, asuykamuspa uyariychik, llaqtakuna, qamkunapas uyariychik. Kay pachapas, chaypi kaqkunapas uyariychik, kay allpapi, chaypi ruruqkunapas uyariychik.

Quechua Ayacucho Bible 1987

¹ Nacionkuna, uyarinaykichikpaqyá asuykuychik. Runakuna, qamkunapas chaynataqyá uyariychik. Kay pachapas chaypi kaqkunapiwanyá uyarichunku. Kay pachapi runakunapas chaypi wiñaqkunapiwanyá uyarichunku.

Chuya Qellqa 1992

¹ Nacionkuna, asuykamuspa uyariychik, llaqtakuna, qamkunapas uyariychik. Kay pachapas, chaypi kaqkunapas uyariychik, kay allpapi, chaypi ruruqkunapas uyariychik.

Isaías 34:1 Iomraidhean Croise

Génesis 6:13

Chaymi Noeyta Dios nirqa: Kunanmi tantearuni llapa runakuna chinkachiyta, paykunapa huchanmantam kay pacha kaynaniraq tarikun. Chaynaqa, kay pachamantam puchukachisaq.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 33:13

Karupi kaqkuna, imam ruwasqaymanta uyariychik. Hichpapi kaqkuna, Tukuy Atiyniyuq kasqayta reqsiychik, nispa.

Isaías 41:1

Tayta Diosmi kaynata nin: Lamar qochapa patanpi nacionkuna qayllaypi upallaychik, llapa llaqtakuna kallpanchakuychik, huñunakamuychik allinta rimananchikpaq, chaynapi pim cheqap kasqanta yachananchikpaq.

Isaías 43:9

Llapa nacionkuna, lliw llaqtakuna huñunakamuychik. ¿Mayqantaq paykunamanta kaykunata willakurqa? ¿Mayqantaq ñawpaq kaqkunata kunan willakurqa? Cheqap rimaq kasqankumanta testigonkuta pusamuchunku, chaynapi uyarispanku cheqapmi kasqa ninankupaq.

Isaías 48:16

Ñoqaman asuykamuspa uyariwaychik: Qallariyninmantapas manam pakasqapichu rimarqani, tukuy chaykuna pasakuptinpas chaypim karqani. Tayta Diosmi kunan kachamuwarqa, Espiritunwanmi huntaykuwarqa.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 63:1

¿Pitaq wak Edom lawmanta, Bosra lawmanta pukankama pachayuq hamuchkan? ¿Pitaq wak allin pachasqa qari-qarillaña hamuchkan? Ñoqa cheqap rimaq Tayta Diosmi hamuchkani, atiyniywan salvaqmi hamuchkani.

Jeremías 22:29

¡Kay pachapi llapallan runakuna, Tayta Diospa nisqanta uyariychik!

Jeremías 49:7

Tukuy Atiyniyuq Tayta Diosmi Edom nacionpa contranpi kaynata nirqa: ¿Yachaychu Temán llaqtapi tukurun? ¿Yachayniyuqkunapa consejakuyninchu tukurun? ¿Yachayninchu manaña valeq rikurirun?

Ezequiel 38:17

Ñoqa Tayta Diosmi kaynata nini: Ñawpaq tiempokunapi serviqniy profetaykunatakama rimaspayqa qanmantam rimarqani, paykunaqa Israelpa profetankunam karqaku, paykunam ñawpaqta Israelpa contranpi qamta pusamunaymanta unay watakuna profetizarqaku.

Abdías 1:1

Tayta Diosmi Edom nacionwan imatam ruwananmanta profeta Abdiasman visionpi kaynata nirqa: Diosmanta hamuq willakuytam uyariruniku, huk willakuqmi nacionkunaman kaynata willakunanpaq kachasqa: ¡Kay nacionpa contranpi llapallanchik guerrapi hatarisun! nispa.

1~Corintios 10:26

“Señorpam tukuy kay pachapi kaqkunaqa, paypataqmi kay pachapi tukuy ima kaqkunapas”.

Deuteronomio 32:1

¡Cielokuna, rimarisqayta uyariychik! ¡Kay pacha, rimarisqayta uyariy!

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Jueces 5:3

¡Llapa reykuna, uyariychik! ¡Kamachikuqkuna, uyariychik! Ñoqam Tayta Diosman takisaq, Israelpa Diosninmanmi takisaq.

Jueces 5:31

¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.