Isaías 33:2 - CHUYA QELLQA La Biblia en Quechua de Ayacucho 2012

² Dios Taytallayku, qamllapi suyasqaykuraykuyá llakipayariykullawayku, qamyá sapa tutapayta kallpanchaykuwayku, sasachakuyniyku punchawpiyá salvaykuwayku.

Quechua Ayacucho Bible 1987

² Dios Taytalláy, llakipayariykullawaykuyá qamllapi suyasqaykurayku. Qamyá sapa tempranon kallpanchawayku. Qamyá llakikuy tiempokunapi salvaykuwayku.

Chuya Qellqa 1992

² Dios Taytallayku, qamllapi suyasqaykuraykuyá llakipayariykullawayku, qamyá sapa tutapayta kallpanchaykuwayku, sasachakuyniyku punchawpiyá salvaykuwayku.

Isaías 33:2 Iomraidhean Croise

Éxodo 14:27

Hinaptinmi lamar qochapa hawan-man makinta Moisés haywariykuptin achikyaykuchkaqtaña lamar qocha imaynam kasqanman kutiykurqa, chaymi Egipto runakuna ayqechkaspanku yakuwan tupanakururqaku. Tayta Dios-mi lamar qochapa chawpinpi Egipto runakunata chinkarachirqa.

Isaías 17:10

Israel, salvaqniki Diostam qonqarunki, amparakunaykipaq kaqtam mana yuyankichu. Kuyayllapaq plantakunatam plantakunki, huklaw nacionmanta apamusqa miskillaña ruruq sachapa takarpunkunataraqmi tarpunkipas,

Isaías 25:4

Qanmi karqanki mana imayuqkunapa amparakunan, wakchakunapa sasachakuyninpi hapipakunan, loco paramanta pakaykuqnin, rupaymanta llantuykuqnin. Mana llakipayakuq runakunapa samatyayninqa poqoy tiempopi sinchi para hinaraqmi.

Isaías 25:9

Chay punchawpim ninqaku: ¡Qawariychik, paymi Diosninchikqa! payllapi hapipakusqanchikraykum salvaykuwanchik, chaynaqa, salvawasqanchikraykuyá anchata kusikusun, nispanku.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Isaías 26:8

Dios Taytallayku, kamachikuynikiman hina kawsaspam qamllapi sunita sayaniku, qanmanta yuyarispam sonqoykupi yuyaymanayta munaniku.

Isaías 37:3

Paykunam nirqaku, Ezequiasmi kaynata nin: Kunan punchawqa ancha llakisqa, ñakarichisqa, penqayman churasqam kachkanchik. Wachakunanpaq kachkaspan manaña kallpayuq warmi hinam kachkanchik.

Isaías 40:10

Tayta Diosqa atiywanmi hamuchkan, atiyninwanmi tukuy imapi munaychakuchkan, libramusqan llaqtantam pusamuchkan.

Isaías 51:5

Allin ruwanay punchawmi hichpamuchkanña, salvanay punchawmi chayamuchkanña, atiyniywanmi llaqtakunapi munaychakusaq. Lamar qochapa patanpi llaqtakunam ñoqamanta suyanqaku, atiyniypim hapipakunqaku.

Isaías 59:16

Tukuy chaykunata allichaq mana kasqanmantam Tayta Dios hukmanyarurqaraq, chaymi kikinpa atiyninwanña salvarqa, allinkuna ruwasqanwanmi takyachirqa.

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Jeremías 14:8

Israelpa hapipakunan Diosnillayku, sasachakuy punchawkunapi salvaqnillayku, ¿imanasqataq kay nacionpi huklaw llaqtayuq hinallaña rikurirunki? ¿Imanasqataq samapakuq hinallaña rikurirunki?

Lamentaciones 3:23

Paypa kuyapayakuyninqa sapa tutapaytam musoqlla, mayna hatunmi cheqap kayninpas, nispa.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.