Isaías 32:6 - CHUYA QELLQA La Biblia en Quechua de Ayacucho 2012

⁶ Qacha sonqo runaqa chayna kayninman hinam riman, huchakuna ruwananpaqmi sonqonpi yuyaymanan, Tayta Diospa contranpim mana allinkunallata riman; yarqasqakunaman mana mikuy qoykuqmi, yakunayasqakunaman mana yaku qoykuqmi.

Quechua Ayacucho Bible 1987

⁶ Rumi sonqo runaqa chayna kayninman hinam riman. Huchakuna rurananpaqmi sonqonpi yuyaymanan. Diospa millakusqankunatam ruran. Tayta Diospa contranpim pantanapaq kaqkunallata riman. Yarqasqakunamanmi mikunanpaq mana qoykunchu. Yakunayasqakunamanmi yakuta mana tomaykachinchu.

Chuya Qellqa 1992

⁶ Qacha sonqo runaqa chayna kayninman hinam riman, huchakuna ruwananpaqmi sonqonpi yuyaymanan, Tayta Diospa contranpim mana allinkunallata riman; yarqasqakunaman mana mikuy qoykuqmi, yakunayasqakunaman mana yaku qoykuqmi.

Isaías 32:6 Iomraidhean Croise

Proverbios 19:3

Mana yachayniyuq runaqa mana allin ñanman wichiykuspam Tayta Diospaqraq piñakunpas.

Proverbios 24:7

Mana yachayniyuqpaqa yachaypas mana haypay atinam, chayraykum juezpa qayllanpipas mana ima rimaytapas atinchu. -23-

Isaías 10:2

Qamkunaqa wakchakunatapas manam nanachikunkichikchu, llaqtaypi ñakariqkunapaqpas manam allin arreglotaqa ruwankichikchu, viudakunapa kapuqnintam suwakunkichik, mana tayta-mamayuqkunapa kapuqnintam qechunkichik.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 26:10

Mana allin ruwaq runakunaqa llakipayaptikipas manam allin ruwaytaqa yachankuchu; kasukuq runakuna qaylla kawsaspapas hina mana allin ruwaqkunallam, Tukuy Atiyniyuq kasqaykitapas manam kaqpaqpas hapinkuchu.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Isaías 31:2

Diosqa ancha yachayniyuqmi, sasachakuytaqa apamunqapunim, rimasqantaqa ruwanqam. Mana allin ruwaqpa aylluntam yanapaqninkunatawan kuskata chinkarachinqa.

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Jeremías 13:23

¿Yaqachu yana runa yana kayninmanta tikrakurunman? ¿Yaqachu leopardo atinman muru pelon cambiaruyta? Chaynam huchaman qokuruq runapas, allinkuna ruwaytaqa mana atinmanchu.

Ezequiel 34:18

¿Allinpaqchu hapinkichik allinnin pastota mikukuruchkaspa puchuqnintañataq saruparuyta? ¿Allinpaqchu hapinkichik chuya yakuta tomakuruchkaspa puchuqnintañataq putkacharuyta?

Daniel 12:10

Ach-kallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam.

Amós 8:6

Wakchakunata qollqepaq rantispa yarqaymanta kaqkunatañataq chulla pares usutapaq rantinanchikpaq hinaspa trigopa pusillantañapas rantikunapaq, nispa.

Mateo 15:19

Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

1~Samuel 24:13

Ñawpaqmantaraqmi kay rimay hamun: “Mana allin ruwaykunaqa lloqsimun mana allin runakunamantam”, nispa. Chaymi makiytaqa mana haykapipas hoqarisaqchu qampa contraykipiqa.