Isaías 32:16 - CHUYA QELLQA La Biblia en Quechua de Ayacucho 2012

¹⁶ Chay nacionpiqa mana pimanpas sayapakuywan, allin kaqkuna ruwayllañam munaychakunqa.

Quechua Ayacucho Bible 1987

¹⁶ Chay chunniq allpapim ima asuntotapas allinta arreglanqaku. Chay tukuy imapa qespinan allpapim allinkunata ruranqaku.

Chuya Qellqa 1992

¹⁶ Chay nacionpiqa mana pimanpas sayapakuywan, allin kaqkuna ruwayllañam munaychakunqa.

Isaías 32:16 Iomraidhean Croise

Isaías 11:9

Sapaqchasqay lliw orqopiqa manañam pipas mana allintaqa ruwanqachu. Imaynam lamar qochata yaku pasaypaqta pampaykun, chaynam Tayta Diospa reqsichikuyninpas kay pachata pampaykunqa.

Isaías 28:6

Cortepi juezkunamanmi allin arreglo ruwanankupaq yachayta qonqa, llaqtata nanachikuq tropakunatam kallpanchanqa.

Isaías 33:5

Hanaq pachapi yachakuq Tayta Diosmi hatunchasqa kachkan, Sión llaqtatam mana pimanpas sayapakuywan chaynataq allinkuna ruwaywan huntaykun.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 42:11

Chunniqpi llaqtakuna, Cedarpa yachanan llaqtakuna, kusikuywan qapariychik; Sela lawpi yachaqkuna kusikuymanta takiychik, orqokunapa puntanmanta qapariychik.

Isaías 42:4

Payqa manam pisipanqachu, nitaqmi hukmanyanqachu, nacionkunapi allin arreglota ruwanankama. Lamar qochapa patanpi nacionkunapas yachachikuynintam suyanqaku.

Isaías 48:18

Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Jeremías 31:23

Israelpa yupaychasqan Tukuy Atiy-niyuq Tayta Diosmi nin: Preso apasqa runakunata kutichimuptiymi kay Judá allpapi hinaspa llaqtankunapipas kaqllamanta ninqaku: “Tayta Diosyá bendecichun sapaqchakusqan moqota, allin ruwaypa kanan moqota”, nispanku.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.