Isaías 32:14 - CHUYA QELLQA La Biblia en Quechua de Ayacucho 2012

¹⁴ Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.

Quechua Ayacucho Bible 1987

¹⁴ Palaciopas chunnichisqam kanqa. Llaqtapi achkallaña runakunam saqesqa kanqa. Mana yaykuy atina llaqtam wiñaypaq tuñichisqa kanqa. Llaqta qawana torrekunam wiñaypaq tuñichisqa kanqa. Chaypim monte asnokunaña kusisqa kakunqaku. Chaypim ganadokunaña michisqa kanqaku.

Chuya Qellqa 1992

¹⁴ Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.

Isaías 32:14 Iomraidhean Croise

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

2~Crónicas 33:14

Chaykunapa qepantam rey Manasés ruwachirqa “Davidpa Llaqtanwan” sutichasqanku llaqtapa hawa lawninpi murallanta, chay murallam Gihón pukyupa intipa seqaykunan lawninpi qallaykuspa wayqonta chutarikuspan Challwawan sutichasqa punkukama chayarqa, hinaspam Ofel lawninta muyumurqa. Chay murallataqa alto-altotam hoqarirachirqa. Judá nacionpi kaq murallasqa llaqtakunapipas tropakunapa kamachiqninkunatam churarqa.

Nehemías 3:26

Qatiqnintam allicharqaku templopi servikuqkunamanta Ofelpi yachaqkuna, paykunam allicharqaku intipa qespimunan lawninta Yakuwan sutichasqa punkukama hinaspa hawa lawman lloqsiq torrekama.

Isaías 22:2

¡Yaw, chaqwakuypa huntasqan llaqta, kusikuyllapiña kawsaq llaqta! Runaykikunaqa manam espadapichu nitaqmi guerrapichu wañurqaku.

Isaías 24:10

Chaqwallapiña kaq llaqtam chunnirun, wasikunapas manaña yaykuy atinankukamam wichqakurun.

Isaías 24:12

Llaqtam tuñisqa qeparun, punkunkunam pakipakurun.

Isaías 25:2

Llaqtakunatam tuñirachispa pasaypaqta purmarachinki, llaqtapa qaqay-qaqay perqankunatam tuñirachinki, cheqniqniykupa suma-sumaq llaqtankutapas taqmaparunkim, manañam musoqmantaqa hatarichinqakuñachu.

Isaías 27:10

Qaqay-qaqay perqayuq llaqtam kunanqa raqayllaña kachkan, mana runayuqñam purmachkan, paqwaytañam chunnichkan. Animal michinanku purunñam rikurirun, sachapa rapinta mikuspa animalkunapa puñunanñam rikurirun.

Isaías 3:26

Llaqtapi runakunam waqaspa lutokunqaku, saqesqa warmi hinam allpapi tiyanqaku.

Isaías 5:9

Tukuy Atiyniyuq Tayta Diosmi cheqaptapuni niwarqa: “Achkallaña wasikunam tuñichisqa kanqa, hatunnin suma-sumaq wasikunam mana runayuq chunninqa.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 7:23

Chay tiempopim waranqa uvas plantakunapa wiñanan chakra, waranqa qollqepa chanin chakra, kichkakunapa chaynataq mana allin qorakunapa wiñananmanña tikrakunqa.

Jeremías 14:6

Monte asnokunapas chaki orqokunapim sayachkanku, atoqkuna hinam wayrallataña muskichkanku; pasto mana kaptinmi ñawinkupas tutayachkan.

Jeremías 33:4

Jerusalén llaqtapi wasikunamantawan Judá nacionpi reykunapa palacionmantam, Tukuy Atiyniyuq Tayta Dios kaynata nin: Lliwmi tuñichisqa kanqa.

Jeremías 52:27

Babilonia na-cionpa reynin kamachiptinmi Hamat law Ribla llaqtapi paykunata wañu-rachirqaku. Chaynatam Judá nacion-niyuq runakunata allpankumanta huklaw nacionman presota aparqaku.

Jeremías 6:5

¡Hatariychik! ¡Tuta atacaspa palacionkunatapas tuñichimusunchik! nispanku.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Lucas 21:20

Jerusalenpa muyuriqninpi tropa-kunata qawaspaqa, chay llaqtapa pur-machisqa kanan tiempo chayaramusqantañayá yachaychik.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.