Isaías 32:13 - CHUYA QELLQA La Biblia en Quechua de Ayacucho 2012

¹³ Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Quechua Ayacucho Bible 1987

¹³ Runaykunapa allpanpim wiñanqa. Kichkakunawan cardokunam wiñanqa. Chayraykuyá qamkunaqa qapariychik. Kusikuypa kanan wasikunamantayá qapariychik. Kusikuypa kanan llaqtamantayá qapariychik.

Chuya Qellqa 1992

¹³ Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Isaías 32:13 Iomraidhean Croise

Isaías 22:2

¡Yaw, chaqwakuypa huntasqan llaqta, kusikuyllapiña kawsaq llaqta! Runaykikunaqa manam espadapichu nitaqmi guerrapichu wañurqaku.

Isaías 23:7

¿Manachum kay llaqtaykichikqa ñawpaqmantapuni kusikuyllapi karqa? Chakinkupa apasqanmi karu llaqtakunamanraq yachaq rirqaku.

Isaías 23:9

Tukuy Atiyniyuq Tayta Diosmi chaynata tantearqa, chaypi llapallan hatunchakuqkunata penqayman churananpaq, kay pachapi llapallan hatun tukuqkunata mana kaqman churananpaq.

Isaías 24:11

Vino tukuruptinmi runakuna callekunapi waqachkanku, lliw kusikuyninkum tanirun, kay pachapim kusikuy chinkarun.

Isaías 27:10

Qaqay-qaqay perqayuq llaqtam kunanqa raqayllaña kachkan, mana runayuqñam purmachkan, paqwaytañam chunnichkan. Animal michinanku purunñam rikurirun, sachapa rapinta mikuspa animalkunapa puñunanñam rikurirun.

Isaías 34:13

Palacionkunapipas kichkakunallaña wiñanqa, mana yaykuy atina llaqtankunapipas kichkayuq qorakunallaña wiñanqa; atoqkunawan avestruzkunallañam chaypiqa yachanqa,

Isaías 5:10

Chunka yugadayuq chakramantam huk urpu vinollataña hurqonqaku, chunka saco muhumantam chulla sacollataña cosechanqaku”, nispa.

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Isaías 55:13

Kichkakunapa rantinpim ciprés sachakunaña wiñanqa, itanakunapa rantinpim arrayankunaña wiñanqa, chaykunawanmi Tayta Diosqa ancha reqsisqa kanqa, wiñaypaq mana tukuq señal hinam chaykunaqa kanqa.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 7:23

Chay tiempopim waranqa uvas plantakunapa wiñanan chakra, waranqa qollqepa chanin chakra, kichkakunapa chaynataq mana allin qorakunapa wiñananmanña tikrakunqa.

Jeremías 33:4

Jerusalén llaqtapi wasikunamantawan Judá nacionpi reykunapa palacionmantam, Tukuy Atiyniyuq Tayta Dios kaynata nin: Lliwmi tuñichisqa kanqa.

Jeremías 39:8

Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Jeremías 52:27

Babilonia na-cionpa reynin kamachiptinmi Hamat law Ribla llaqtapi paykunata wañu-rachirqaku. Chaynatam Judá nacion-niyuq runakunata allpankumanta huklaw nacionman presota aparqaku.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.