Isaías 32:11 - CHUYA QELLQA La Biblia en Quechua de Ayacucho 2012

¹¹ Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Quechua Ayacucho Bible 1987

¹¹ Mana imamantapas preocupakuq warmikuna, mancharikuychik. Kikillaykichikpi confiakuq warmikuna, mancharikuychik. Kikillaykichikpi confiakuq warmikuna, katkatataychik. Chay pachaykichikta llustikuychik hinaspa luto pachawan churakuychik.

Chuya Qellqa 1992

¹¹ Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Isaías 32:11 Iomraidhean Croise

Éxodo 33:4

Chay mana allin noticiata uyariruspankum llapa runakunaqa alhajankutapas hurqokuspanku llakisqallaña karqaku.

Isaías 15:3

Qachqa pachayuqmi callekunapi purinku. Wasikunapa hawankunapipas, plazakunapipas, manaña sayaypas atinankukamam lliw waqachkanku.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 20:4

Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 3:24

Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 47:8

Mana allin kawsayta kuyaq warmi uyariy, munaychakuspa hawkallaña kakuq warmi, sonqoykipim ninki: “Ñoqallam kani, ñoqa hinaqa manam pipas kanchu, manam haykapipas viudayasaqchu, nitaqmi haykapipas wawaykunaqa wañunqachu”, nispayki.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Jeremías 49:3

¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Joel 1:8

Runakunam mana upallaykuspa waqachkanku, sipas kayllanpiraq qosan wañukuptin lutokuruq viuda hinam qaparkachachkanku.

Amós 4:12

Chaynatam Israel qamkunawanpas ruwasaq, qamkunawan chaynata ruwanay kachkaptinqa, Diosnikichikwan tupanaykichikpaq allichakuychik.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Deuteronomio 28:48

Tayta Diospa kachamusqan enemigoykichikkunatam yarqasqa, yakunayasqa, mana pachayuq hinaspa tukuy imamantapas wakchayasqa servinkichik. Wañunaykichikkamam fierro yugota apachichkaq hina paykunata Tayta Dios servichisunkichik.

Santiago 5:5

Kay pachapi kawsaspaykichikmi aychaykichik kusichiypi, sonqoykichikpa munasqanpi purirqankichik, nakanapaq wirayachisqa ganado hinaraqmi poqorunkichik.