Isaías 31:3 - CHUYA QELLQA La Biblia en Quechua de Ayacucho 2012

³ Egiptopi kaqkunaqa runakunallam, manam dioskunachu; caballonkupas aychallam, manam espirituchu; Tayta Diosmi paykunata atiyninwan ñakarichinqa, yanapaqtapas yanapachikuqtapas kuskata. Chaynapim paykunaqa lliw chinkarunqaku.

Quechua Ayacucho Bible 1987

³ Egipto runakunaqa runakunallam, manam dioskunachu. Caballonkupas aychallam, manam espirituchu. Tayta Diosmi paykunata atiyninwan castiganqa. Yanapaqninpas mitkanqam. Yanapasqanpas wañunqam. Llapallankupas paykunaqa tukunqam.

Chuya Qellqa 1992

³ Egiptopi kaqkunaqa runakunallam, manam dioskunachu; caballonkupas aychallam, manam espirituchu; Tayta Diosmi paykunata atiyninwan ñakarichinqa, yanapaqtapas yanapachikuqtapas kuskata. Chaynapim paykunaqa lliw chinkarunqaku.

Isaías 31:3 Iomraidhean Croise

2~Crónicas 32:8

Payqa runakunapa kallpallanwanmi kachkan, ñoqanchikwanmi ichaqa Tukuy Atiyniyuq Diosninchik kachkan, peleaptinchikqa paymi yanapawasun, nispa. Hinaptinmi Judá nacionpa reynin Ezequiaspa nisqanwan llapa runakuna kallpanchakururqaku.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 20:4

Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq.

Isaías 20:6

Chay tiempopim lamar qochapa patanpi yachaqkuna ninakunqaku: Hapipakusqanchik nacionta qawaychik. Asiria nacionpi reymanta librawananchikpaqmi chay nacionman hapipakuq kallpaq kanchik, ¿imaynatataq kunanqa lluptisunchik? nispanku.

Isaías 30:16

aswanraqmi qamkuna nirqankichik: “Caballokunapim ayqekusaqku”, nispa. Chaynaqa, caballokunapichá ayqenkichik. Nirqankichiktaqmi: “Utqayman kallpaq carretakunapim lluptikusaqku”, nispapas. Ichaqa enemigoykichikpas aswan utqaymanraqmi qatisunkichik.

Isaías 30:5

mana imapaq valeq llaqta kasqanraykum llapallanku penqaypi rikurinqaku, mana imapipas yanapaspa penqayman churaqnin llaqta kasqanrayku, nispa.

Isaías 30:7

Egipto nacionpa yanapakuyninqa paqway mana valeqmi, chayraykum “Manchakuypaq qaparkachaq mana imanakuq animalmi”, nispa suticharqani.

Isaías 36:6

¿Pakisqa soqos tawna hina Egipto nacionpichu hapipakuchkanki? Chay soqos tawnaqa, tawnapakuqninpa makintapas pakikuruspanmi qellparunqa. Chay hinallam Egiptopi rey Faraonpas lliw paypi hapipakuqninkunapaqqa.

Isaías 36:9

Egipto nacionpa carretankunapiña hinaspa sillada tropankunapiña hapipakuspapas ¿imaynataq reyniypa serviqnin capitankunamanta eqonniq kaqllawanpas peleayta atiwaq?

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 17:5

Tayta Diosmi kaynata nin: Pipas runamasinpi hapipakuq runaqa ñakasqayá kachun, ñoqa Tayta Diosmanta rakikuspa runapa kallpallanpi hapipakuq runaqa ñakasqayá kachun.

Ezequiel 28:2

Runapa churin, ñoqa Tayta Diospa nisqayta Tiro llaqtapa reyninman kaynata nimuy: Sonqoykipi hatunchakuspam kaynata nirqanki: “Ñoqaqa diosmi kani, diospa trononpim tiyachkani lamar qochapa chawpinpim tiyachkani”, nispayki. Qamqa manam dioschu kanki, diospaq hapikuspaykipas runallam kanki.

Ezequiel 28:9

¿Hinaraqchu wañuchiqnikikunapa makinpi kaspa Diospaq hapikunki? Wañuchiqnikipa makinpiqa wañuq runallam kanki manam dioschu.

Amós 2:15

Flechawan peleayta yachaqpas manam takyanqachu, maynataña kallpaq runapas manam lluptinqachu, caballopi ayqeqpas manam vidanta salvanqachu.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.