Isaías 30:9 - CHUYA QELLQA La Biblia en Quechua de Ayacucho 2012

⁹ Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Quechua Ayacucho Bible 1987

⁹ Kay runakunaqa mana kasukuq runakunam. Kay runakunaqa traicionero miraykunam, Tayta Diospa yachachisqankunata mana uyariy munaqkunam.

Chuya Qellqa 1992

⁹ Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Isaías 30:9 Iomraidhean Croise

2~Crónicas 33:10

Tayta Diosmi profetankunatakama Manasestawan llaqtanta rimapayarqa, paykunam ichaqa mana uyarirqakuchu.

Proverbios 28:9

Sichum pipas, Diospa kamachikuyninta mana kasukuptinqa, Tayta Diospas manam mañakuyninta uyarinqachu.

Isaías 1:10

Sodoma llaqtapi kamachikuqkuna, Diospa Chuya siminta uyariychik. Gomorra llaqtapi runakuna, Diosninchikpa yachachikuyninta uyariychik.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 1:4

¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 28:15

Qamkunam ninkichik: “Contratotam wañuywan ruwaruniku, wañusqakunapa kasqanwanpas contratotam ruwaruniku, sasachakuy hamuspa mana haypawanankupaq; llulla rimaykunapim amparakuruniku, engaño ruwaykunapim pakakuruniku”, nispaykichik.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Isaías 65:2

Mana kasukuspa llutanpi kawsaq llaqtamanmi, sonqonpa munasqallanpi puriq llaqtamanmi, makiykunata sapa punchaw haywarirqani.

Jeremías 35:14

Recabpa churin Jonadabpa mirayninkunam, vinota ama tomanankupaq kamachisqanta cumplirunku. Chayraykum vinotaqa kunan punchawkamapas mana tomankuchu. Ñoqapas mana samaykuspaymi ñataq-ñataq kamachirqaykichik, ichaqa manam kasuwarqankichikchu.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Jeremías 7:28

Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun, nispa.

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Ezequiel 24:3

Ñoqa Tayta Diospa nisqayta kay mana kasukuq runakunaman kaynata rikchanachispa willay: Tullpaman mankata churkuspayki chay mankaman yakuta talliy.

Oseas 4:2

Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Sofonías 3:2

Payqa manam Diospa Chuya siminta uyarirqachu, manam corregichikuytapas munarqachu, Tayta Diospipas manam hapipakurqachu, nitaqmi asuykuytapas munarqachu.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Deuteronomio 32:20

Chayraykum Tayta Dios nirqa: Paykunatam qepanchakurusaq, imatas ruwanqaku; paykunaqa mana allin ruwaqkunam, paykunaqa iskay uya churikunam.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.