Isaías 30:6 - CHUYA QELLQA La Biblia en Quechua de Ayacucho 2012

⁶ Neguev lawpi animalkunamantam kaynata nin: Sasachakuypa hinaspa ñakariypa kasqan llaqtantam leonkunapa yachanan lawnintam, tukuy richkaq maqta urukunapa kasqantam, asnokunapi qori-qollqeta cargachkanku, camellokunapim kapuqninkuta apachkanku, mana imapaq valeq Egipto nacionmanmi astachkanku.

Quechua Ayacucho Bible 1987

⁶ Neguev lawpi animalkunamantam Isaias kaynata willakurqa: Sasachakuypa kasqan sitiontam, peligrokunapa kasqan sitiontam, orqo leonkunapa kasqan sitiontam, kachukuqllaña pawaq culebrapa kasqan sitiontam asnokunapi qori-qollqenkuta cargachkanku. Camellokunapim kapuqninkuta cargachkanku. Egipto nacionmanmi astachkanku. Mana imapaq valeq nacionmanmi astanku.

Chuya Qellqa 1992

⁶ Neguev lawpi animalkunamantam kaynata nin: Sasachakuypa hinaspa ñakariypa kasqan llaqtantam leonkunapa yachanan lawnintam, tukuy richkaq maqta urukunapa kasqantam, asnokunapi qori-qollqeta cargachkanku, camellokunapim kapuqninkuta apachkanku, mana imapaq valeq Egipto nacionmanmi astachkanku.

Isaías 30:6 Iomraidhean Croise

Génesis 12:9

Abrammi chay sitiomanta lloqsispan kaypi chaypi samastin Neguev lawman chayarurqa.

1~Reyes 10:2

Hinaspam achka serviqninkunawan Jerusalén llaqtaman chayarurqa. Camellokunapim apamurqa miski asnaq perfumekunata, achka qorita hinaspa alhaja rumikunata. Salomonpa kasqanman chayaramuspanmi sonqonpi llapa ima tanteasqanta tapurqa.

2~Crónicas 16:2

Chaymi rey Asaqa Tayta Diospa templonpi chaynataq reypa palacionpi kaq qoritawan qollqeta hurqoramuspan, Damasco llaqtapi yachaq Siria nacionpa reynin Ben-adadman kaynata nispan apachirqa:

2~Crónicas 9:1

Salomón ancha reqsisqa kasqanmanta Sabá nacionpa reinan uyariruspanmi sasa tapukuykunawan pruebananpaq Jerusalén llaqtaman hamurqa, achka serviqninkunawan kuska, camellokunapi miski asnaq perfumekunata, achka qorita hinaspa alhaja rumikunata aparisqa. Salomonpa kasqanman chayaramuspanmi sonqonpi tanteasqanman hina tukuy imata tapurqa.

Jobwan Sutichasqa Libro 39:11

¿Yaqachu kallpasapa kasqanrayku chay toropi hapipakuwaq? ¿Yaqachu payman llamkaynikita saqeykuwaq?

Éxodo 1:14

Mana aguantay atina sasallaña llamkaykunawanmi ñakarichirqaku, mitu ruwaypi, adobe chutaypi hinaspa chakra llamkaykunapi. Chay ruwaykunapi llamkachispam Israelpa mirayninkunata llumpayta ñakarichirqaku.

Isaías 14:29

Filistea llaqtayuqkuna, maqasuqnikichikpa tawnan pakirusqanraykuqa amayá kusikuychikchu. Maqta urupa sapinmantaqa aswan kachukuq maqta ururaqmi lloqsimunqa, pawaq maqta ururaqmi lloqsimunqa.

Isaías 15:7

Chayraykum runakunaqa wasinkupi huñusqanku kapuqninkutapas, chaynataq ima pakasqankutapas Saucellaña wayqopa waklawninmanraq astachkanku.

Isaías 19:4

Egipto llaqtatam hapiykachisaq, mana llakipayakuq, mana kuyapayakuq reymanña, ñakarichispa paykunapi munaychakunanpaq, nispa. Tukuy Atiyniyuq Tayta Diosmi chaynata nin.

Isaías 35:9

Chaypiqa manañam leonkunapas kanqachu, tukuy rikchaq purun animalkunapas manañam purinqachu, chay ñannintaqa salvasqakunallañam hamunqaku.

Isaías 5:30

Chay punchaw chayaramuptinmi, chay nacionqa lamar qocha hinaraq Israelpa contranpi qaparinqa. Pipas Israel nacionta qawarispanqa tutayaypapas sasachakuypapas intuykusqantam qawarinqa.

Isaías 57:9

Moloc idolomanmi aceite aparisqa rirqanki, perfumekunatam payman aparqanki; karukunamanraqmi comisionta kacharqanki, wañuqkunapa kasqanmanraqmi uraykachirqanki.

Isaías 8:22

Pampata qawarispankuñataqmi, ñakariytawan tutayayllata, pasaypaq tutayaytawan sasachakuyllata rikunqaku, hinaspam pasaypaq tutayayllapi kawsanqaku.

Jeremías 11:4

Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Ezequiel 20:46

Runapa churin, sur lawman qawarispa Neguev lawpi montekunapa contranpi profetizay.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Miqueas 6:14

Mikuspapas manam saksankichu, aswanqa hinallam yarqaymanta ñakarinki, huñukusqaykitapas manam takyachinkichu, takyachisqaykitapas guerrapim ñoqa tukuchisaq.

Zacarías 6:6

Yana caballokunapa chutasqan carretam norte lawpi nacionman richkan, yuraq caballokunapa chutasqanmi intipa seqaykunan lawpi nacionman richkan, moro caballokunapa chutasqanñataqmi sur lawpi nacionman richkan, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Números 21:8

Hinaptinmi Moisesta Tayta Dios nirqa: Maqta uruta ruwaspa kaspiman churay, chaynapim maqta urupa kachusqankuna chayta qawaspanku mana wañunqakuchu, nispa.

Mateo 12:42

Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.

Deuteronomio 17:16

Chay reyqa amam achka caballokunataqa huñukunqachu, amataqmi runakunatapas caballokuna rantiqqa Egipto nacionman kachanqachu. Tayta Diosmi nisurqankichik: “Egipto nacionmanqa amam haykapipas kutinkichikchu”, nispa.

Deuteronomio 4:20

Qamkunatam ichaqa metal chulluchina hornomanta hurqomuchkaq hina Egipto nacionmanta Tayta Dios hurqomusurqankichik, chaynapim kunanqa paypa runankunaña kankichik.

Deuteronomio 8:15

Paymi mana yakupa kanan manchakuypaq hatun chunniqninta, kachukuq maqta urukunapa kasqanta chaynataq atoq-atoqkunapa kasqan lawninkunata pusamusurqankichik. Yakutapas qaqa rumimanta toqyachimuspam tomachisurqankichik.