Isaías 30:3 - CHUYA QELLQA La Biblia en Quechua de Ayacucho 2012

³ Aswanqa Faraonman hapipakuynikichikmi penqakuypaqña kanqa, Egiptopi hapipakuynikichikmi pantachisuqnikichik kanqa.

Quechua Ayacucho Bible 1987

³ Aswanqa Rey Faraonman amparakuptikichikmi penqayman churasunkichik. Llantukuchkaq hina Egipto nacionpi pakakusqaykichikmi humillachisunkichik.

Chuya Qellqa 1992

³ Aswanqa Faraonman hapipakuynikichikmi penqakuypaqña kanqa, Egiptopi hapipakuynikichikmi pantachisuqnikichik kanqa.

Isaías 30:3 Iomraidhean Croise

2~Reyes 18:21

¿Chamchasqa soqos tawna hina Egipto nacionpichu hapipakuchkanki? Chay soqos tawnaqa tawnapakuqninpa makintapas pakikuruspanmi qellparunqa. Chay pakipasqa soqos hinallam Egipto nacionpa reynin Faraonpas chaynataq paypi hapipakuqkunapas.

Proverbios 25:19

Sasachakuy tiempo chayamuptin iskay uya runapi hapipakuyqa moqasqa chakiyuq puriy hinam, otaq utu kirupa nanakuynin hinam.

Isaías 20:5

Hinaptinmi Etiopía nacionpi hapipakuqkunawan Egipto nacionmanta alabakuqkunapas mancharikuspanku penqakuywan kanqaku.

Isaías 20:6

Chay tiempopim lamar qochapa patanpi yachaqkuna ninakunqaku: Hapipakusqanchik nacionta qawaychik. Asiria nacionpi reymanta librawananchikpaqmi chay nacionman hapipakuq kallpaq kanchik, ¿imaynatataq kunanqa lluptisunchik? nispanku.

Isaías 36:6

¿Pakisqa soqos tawna hina Egipto nacionpichu hapipakuchkanki? Chay soqos tawnaqa, tawnapakuqninpa makintapas pakikuruspanmi qellparunqa. Chay hinallam Egiptopi rey Faraonpas lliw paypi hapipakuqninkunapaqqa.

Jeremías 2:36

¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 42:22

Chaynaqa, cheqaptapunim kunan nikichik: Yachanaykichikpaq risqaykichik nacionpim, guerrawan, yarqaywan hinaspa peste onqoywan wañumunkichik, nispa.

Jeremías 46:25

Israelpa yupaychasqan Tukuy Atiyniyuq Tayta Diosmi kaynata nin: Tebas llaqtapa Amón sutiyuq idolontam castigasaq, Egipto naciontam idolonkunatawan hinaspa reyninkunatawan kuskata castigasaq, Faraontapas payman hapipakuqkunatawan kuskatam castigasaq.

Ezequiel 29:7

Qanman hapipakuykuptinkum pakikururqanki, pakikuruspaykim waqtankuta kuchururqanki; qanman tawnapakuykuptinkum pakipakuruspayki wichiykachirqanki.

Oseas 10:6

Asiriapa tropankunam hamuruspanku chay qori torillota apakunqaku reyninkuman regalota qonankupaq, chaymi Israelpa mirayninkuna chay idolota yupaychasqankumanta penqaypi kanqaku.

Romanos 10:11

Chuya Qellqapim kaynata nin: Pipas paypi iñiqqa manam penqaypichu kanqa, nispa.

Romanos 5:5

Diospi hapipakuyñataqmi paypi takyachiwanchik, Diosmi kuyakuyninta sonqonchikman huntaykuwarqanchik qowasqanchik Chuya Espirituntakama.