Isaías 30:10 - CHUYA QELLQA La Biblia en Quechua de Ayacucho 2012

¹⁰ Visionta rikuq runakunatam ninku: Amaña chaypi ocupakuychikchu, nispanku. Profetakunatañataqmi ninku: Cheqap kaqkunataqa amaña willawaykuchu, willawaykuqa munasqallaykutaña, willawaykuqa aychayku kusichiqllataña, nispanku.

Quechua Ayacucho Bible 1987

¹⁰ Diospa qawachisqanta rikuq runakunatam ninku: Amaña Diospa qawachisqanta rikuychikchu, nispa. Diosmanta revelacion rikuq runakunatam ninku: Cheqapmanta revelacion rikusqaykichiktaqa amaña willawaykuchu. Willawaykuqa alabawanankupaq kaqkunallata. Willawaykuqa engaño rikusqaykichik kaqkunallata.

Chuya Qellqa 1992

¹⁰ Visionta rikuq runakunatam ninku: Amaña chaypi ocupakuychikchu, nispanku. Profetakunatañataqmi ninku: Cheqap kaqkunataqa amaña willawaykuchu, willawaykuqa munasqallaykutaña, willawaykuqa aychayku kusichiqllataña, nispanku.

Isaías 30:10 Iomraidhean Croise

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

1~Reyes 22:27

Ñoqa reypa kayna nisqaytam nimunkichik: Kay runata carcelpi wichqamuychik hinaspa mikunanpaqpas tantatawan yakullata qoychik, chaynam kanqa guerrapi vencespay kutimunaykama, nispa.

2~Crónicas 16:10

Chayta uyariykuspanmi rey Asaqa llumpayta piñakuruspan profeta Hana-nita carcelarachirqa, payqa chay willa-kusqanwanmi llumpayta piñakururqa. Chay tiempokunapim rey Asa wakin runakunatapas llumpayta ñakarichirqa.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

Jobwan Sutichasqa Libro 41:3

¿Yaqachu llakipayanaykipaq ruegakusunkiman? ¿Yaqachu sumaq siminwan ruegakusunkiman?

Isaías 28:15

Qamkunam ninkichik: “Contratotam wañuywan ruwaruniku, wañusqakunapa kasqanwanpas contratotam ruwaruniku, sasachakuy hamuspa mana haypawanankupaq; llulla rimaykunapim amparakuruniku, engaño ruwaykunapim pakakuruniku”, nispaykichik.

Isaías 29:10

Tayta Diosmi qamkunaman sinchi puñunayayta kachaykamusunkichik. Profetakunapa ñawintapas wichqarunmi, visión rikuqkunapa umantapas velowanmi wankurun.

Isaías 5:20

¡Ay, imaynaraq kanqaku! Mana allinta allinmi niqkuna, allintañataq mana allinmi niqkuna, achkiyta tutaman tikraqkuna, tutayaytañataq achkiyman tikraqkuna, qatqetapas miskim niqkuna, miskitañataq qatqem niqkuna.

Jeremías 11:21

Anatot runakunam wañuchiwayta munaspa niwarqaku: Amañam Tayta Diospa sutinpiqa profetizankichu, mana chayqa wañurachisqaykikum, nispanku.

Jeremías 23:17

Qepanchakuwaqniy runakunatam paykunaqa nichkanku: Tayta Diosmi nisunki: “Hawkallam kankichik”, nispanku. Mana kasukuq sonqoyuq runakunatañataqmi nichkanku: “Sasachakuyqa manam chayamusunkichikchu”, nispanku.

Jeremías 26:11

Chaymi sacerdotekunawan profetakuna, chay kamachikuqkunaman hinaspa lliw runakunaman nirqaku: Uyarisqaykichikpi hinapas, kay runaqa kay llaqtapa contranpim rimarun, chayraykum wañunanpaq sentenciasqa kanan, nispanku.

Jeremías 29:27

Hinaptinqa ¿imanasqataq mana qaqcharqankichu Anatot llaqtayuq Jeremiastaqa profeta tukuspa rimasqanmanta?

Jeremías 36:29

Ñoqa Tayta Diospa nisqaytam rey Joacinman kaynata ninki: Qanmi chay rollota kañaspayki, Jeremiasta qaqcharqanki, “cheqaptapunim Babilonia nacionpa reynin hamuspan kay nacionta tukunqa manaña runayuq nitaq animalniyuq kanankama”, nisqanmanta.

Jeremías 38:4

Hinaptinmi reyta llapa kamachikuqkuna nirqaku: Kay runataqa wañurachisun, payqa rimasqankunawanmi kay llaqtapi puchuq soldadokunatawan llapa runakunata hukmanyachichkan. Kay runaqa manam llaqtapa hawkayaynintachu maskachkan aswanqa mana allinnintam, nispa.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Amós 2:12

Ichaqa qamkunam sapaqchakusqay jovenkunatapas vinota tomachispa macharachinkichik, profetaykunatapas ñoqamanta willakunanta harkakuspam siminta wichqarunkichik.

Amós 7:13

Amaña Bet-elpiqa profetizayñachu, kaypiqa reypa santuarionmi kachkan, kaymantataqmi munaychakunpas, nispa.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Miqueas 2:6

Profeta tukuqkunam Diospa profetankunata ninku: Ama yanqakunata willawaykuchu, manam ima sasachakuypas pasawanqakuchu, nispanku.

Juan 7:7

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.

Juan 8:45

Ñoqam ichaqa cheqapta nikichik aswanqa manam creewankichikchu.

Hechos 4:17

Wakin runakuna ama-ña yachanankupaqyá amenazaykusunchik kunanmantaqa amaña pimanpas Jesucristopa sutinpi rimanankupaq, nispanku.

Hechos 5:28

Ñoqaykuqa chunkay-chunkaytam kamachirqaykikuña chay Jesusmantaqa amaña yachachinaykichikpaq. Ichaqa Jerusalenpi lliw runakunaman yachachispaykichikmi, Jesuspa wañusqanmanta ñoqaykuta tumpawankiku, nispanku.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

Gálatas 4:16

Chaynaqa, ¿qamkunaman cheqap nisqaymantachu enemigoykichikpaq hapiwankichik?

2~Timoteo 4:3

Chayamunqam tiempokuna allin yacha-chikuykunata manaña chaskinankupaq, paykunaqa achkallaña yachachikuqkunata huñukuruspankum aychankuman hina munasqallankutaña uyarinqaku.

2~Timoteo 4:4

Cheqap kaq yachachikuykunamanta karunchakuruspankum tukuy rikchaq cuentokunataña allinpaq hapinqaku.

Apocalipsis 11:7

Paykuna willakuyta tukuruptinkuñataqmi, uku pachamanta lloqsimuq manchakuypaq animalqa paykunapa contranpi guerrata hatarichinqa, paykunata venceruspanmi wañurachinqa.

1~Samuel 9:9

Ñawpaq watakunapim, Israel casta runakuna Diosta tapukuq rispankuqa, kaynata niqku: “Qawaqpata hakuchik”, nispanku; kunan “profetawan” sutichasqanchiktam, ñawpaqtaqa “qawaqwan” sutichaqku.