Isaías 3:8 - CHUYA QELLQA La Biblia en Quechua de Ayacucho 2012

⁸ Jerusalén llaqtam tuñirun, Judá nacionmi purmarun; chaynaqa tarikun llapa runankuna rimayninkuwanpas ruwayninkuwanpas huchallikuspanku, Tayta Diosta piñachisqankuraykum.

Quechua Ayacucho Bible 1987

⁸ Ciertopas Jerusalen llaqtaqa mitkaq runa hina tuñichisqañam. Ciertopas Juda nacionqa vencesqañam. Chaypi *f**yachaqkunam Tayta Diospa contranpi rimanku. Tayta Diospa contranpim mana kasukuspa kawsanku. Tayta Diospa kanchariyninpa qayllanpim ruranku.

Chuya Qellqa 1992

⁸ Jerusalén llaqtam tuñirun, Judá nacionmi purmarun; chaynaqa tarikun llapa runankuna rimayninkuwanpas ruwayninkuwanpas huchallikuspanku, Tayta Diosta piñachisqankuraykum.

Isaías 3:8 Iomraidhean Croise

2~Crónicas 28:18

Chaynataqmi filisteokunapas Sefela lawpi llaqtakunatawan Judá nacionpi Neguev lawpi llaqtakunatapas saquearqaku. Bet-semes, Ajalón, Gederot, Soco, Timna hinaspa Gimzo llaqtakunatapas llaqtachakunatawan kuskatam hapikuykurqaku, hinaspam paykunaña yachakurqaku.

2~Crónicas 33:11

Chayraykum paykunapa contranpi, Asiria reypa tropankunapa kamachiqninkunata Tayta Dios pusaramurqa. Paykunam rey Manasesta hapiruspanku cadenawan wataruspa Babilonia llaqtaman pusarqaku.

Proverbios 26:27

Pipas trampata uchkuqqa kikillanmi chayman wichiykunqa, rumita kuchpaykuq runataqa kuchpasqan rumillam hawanta pasarunqa.

Isaías 1:7

Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 49:19

Llaqtaykiqa tuñichisqa, chunnichisqa hinaspa purmachisqa kachkaspapas, achkallaña runayuqmi kanqa, ñakarichisuqnikikunapas qanmanta karunchasqam kanqa.

Isaías 57:4

¿Pimantataq asikurqankichik? ¿Pitataq simikichikwan hatunmanta kutipakurqankichik? ¿Pitataq qallupayarqankichik? Qamkunaqa mana kasukuq llulla miraykunam kankichik.

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Jeremías 23:36

Amañam ninkichikñachu: “Kaymi Tayta Diospa palabran” nispaqa. Pipas chaynata rimaptinqa kikinpa sasachakuyninpaqmi kanqa. Qamkunaqa yupaychasqanchik Tukuy Atiyniyuq Tayta Diospa nisqantam qewirunkichik.

Jeremías 26:18

Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 44:3

Chaynaqa, kachkanku mana allinkunata ruwasqankuraykum. Paykunam tukuy rikchaq idolokunata yupaychaspanku, inciensota kañapuspanku ñoqata piñachiwarqaku. Chay idolokunataqa manam paykunapas, qamkunapas nitaq ñawpaq taytaykichikkunapas reqsirqankichikchu.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Ezequiel 8:12

Hinaptinmi niwarqa: Runapa churin, ¿qawachkankichum Israelpa mirayninmanta kaq ancianonkunapa pakasqallapi imam ruwasqankuta? Sapakamam idolonkupa capillanpi chaykunata ruwachkanku. Paykunam ninku: “Tayta Diosqa manam rikuwanchikchu, llaqtanchiktapas payqa saqerunñam”, nispanku.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.

Oseas 5:5

Hatun tukuq kayninmi Israelpa contranpi declaranqa, huchankuraykum Israelpas chaynataq Efraimpas wichinqaku, paykunawan kuskam Judapas wichinqa.

Oseas 7:16

Paykunaqa manam Tayta Diosmanchu kutirikurqaku, aswanqa idolonkumanmi; paykunaqa mana imapaq serviq flecha hinam kachkanku, kamachiqninkunapas hatun tukuspa rimasqankuraykum guerrapi wañunqaku, Egipto nacionpim paykunamantaqa asikunqaku.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Habacuc 1:13

Qamqa chuyay-chuyaymi kanki mana allin ruwayta qawanaykipaqqa, daño ruwayta qawanaykipaqqa. Chaynaqa, ¿imanasqataq runamasin wañuchiqta qawaylla-qawakunki? ¿Imanasqataq allin ruwaq runata mana allin runa tuñichiptin upallalla qawakunki?

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

Judas 1:15

Llapallan runakunata tukuy rikchaq huchakunapi purisqankumanta, millakuypaq ruwasqankumanta hinaspa paypa contranpi mana allinkuna rimasqankumanta juzgaspa condenananpaqmi hamuchkan”, nispa.