Isaías 3:5 - CHUYA QELLQA La Biblia en Quechua de Ayacucho 2012

⁵ Runakunam kikinkupura ñakarichinakunqaku, reqsinakuqpurapas cheqninakunqakum, warmakunam yuyaqkunapa contranpi hatarinqaku; usuq runakunam ancha reqsisqa runakunapa contranpi hatarinqaku.

Quechua Ayacucho Bible 1987

⁵ Runakunam kikinkupura ñakarichinakunqaku. Sapakamam runamasillanta ñakarichinqaku. Warmakunam hatarinqa yuyaqkunapa contranpi. Despreciasqa runakunam hatarinqa reqsisqa runakunapa contranpi.

Chuya Qellqa 1992

⁵ Runakunam kikinkupura ñakarichinakunqaku, reqsinakuqpurapas cheqninakunqakum, warmakunam yuyaqkunapa contranpi hatarinqaku; usuq runakunam ancha reqsisqa runakunapa contranpi hatarinqaku.

Isaías 3:5 Iomraidhean Croise

2~Reyes 2:23

Jericó llaqtamantam Bet-el llaqtaman Eliseo rirqa. Ñanta qespichkaptinmi llaqtamanta lloqsimuq maqtillukuna burlakuspa nirqaku: ¡Paqla, qespimuy! ¡Paqla, qespimuy! nispanku.

Isaías 1:4

¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Isaías 11:13

Efraín castapa envidiakuq kayninpas chinkarunqañam, Judá nacionta cheqniqkunapas tukurunqañam. Efraín castapas manañam Judá castata envidiakunqañachu. Judá castapas manañam Efraín castata ñakarichinqañachu.

Isaías 19:2

Tayta Diosmi kaynata nin: Egipto runakunatam kikinkupurata reqsinakuqpurata, llaqtapurata hinaspa nacionpurata peleanachisaq.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Jeremías 22:17

Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Levítico 19:32

Yuyaqkunapa qayllanpiqa sayarispam paykunata respetankichik, Diosnikitapas kasukunkitaqmi. Ñoqaqa Tayta Diosmi kani.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Zacarías 11:6

Chayraykum Tayta Dios kaynata nin: Ñoqapas manañam kay nacionpi yachaq runakunataqa llakipayasaqñachu, aswanqa sapakamatam runamasinpa chaynataq reyninpa munaychakunanpaqña hapiykachisaq, paykunañam nacionninkuta purmachinqa, ñoqapas manam paykunapa makinmantaqa librasaqchu, nispa.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Mateo 26:67

Hinaspankum Jesuspa uyanman toqaspanku takarqaku, wakinñataqmi uyanpi laqechuspanku

Marcos 14:65

Chaynata nispankum wakiqninku toqaykurqaku, wakinñataqmi ñawinta taparuspa takarqaku, hinaspam nirqaku: Niykuwayku, ¿pitaq takasuchkanki? nispanku. Guardiakunapas uyanpim laqechurqaku.

Lucas 22:64

Ñawintapas wataruspankum uyanpi takaspanku nirqaku: Niykuwayku, ¿pitaq takasuchkanki? nispanku.

Santiago 2:6

Qamkunaqa wakchakunatam usuchirqankichik. ¿Manachum apukunaqa munasqankuta ruwasunkichik hinaspa tribunalkunamanpas aysasunkichik?

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.