Isaías 3:24 - CHUYA QELLQA La Biblia en Quechua de Ayacucho 2012

²⁴ Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Quechua Ayacucho Bible 1987

²⁴ Chayraykum perfumepa rantinpi millakuypaq asnayña kanqa. Weqaw watakunankupa rantinpim waskaña kanqa. Sumaqllaña ñaqchasqa kanankumantam umankupas paqlayasqaña kanqa. Suma-sumaq pachankupa rantinpim luto pachaña kanqa. Kuyayllapaq uyankupipas caldeasqa fierrowan marcallañam kanqa.

Chuya Qellqa 1992

²⁴ Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Isaías 3:24 Iomraidhean Croise

Ester 2:12

Costumbreman hinam, reypa qayllanman yaykunankupaqqa, llapa sipaskuna chunka iskayniyuq killatapuni allichakuqku. Soqta killam mirra aceitewan cuerponkuta llusikuqku, soqta killañataqmi miski asnaq perfumekunawan untakuqku. Chaymantañam llapa sipaskuna, chulla-chullamanta turnonpi rey Asueropa qayllanman yaykuqku.

Jobwan Sutichasqa Libro 16:15

Llakipa pampasqanmi qachqa pachakunawan churakuruni, umaymanpas allpatam tallikuruni.

Proverbios 31:24

Chayna warmiqa pachakunata siraspanmi rantikun, chumpikunata awaruspanmi negociantekunaman rantikun.

Proverbios 7:17

miskillataña asnananpaqmi mirrawan, aloewan, canelawan talliykamuni.

Isaías 15:2

Bayitwan chaynataq Dibonwan sutichasqanku moqopi capillakunamanmi waqaq qespirqaku. Moab castakunam Nebo llaqtarayku, Medeba llaqtarayku waqanqaku. Llapallankum umankupas, barbankupas rutusqa kachkanku.

Isaías 15:3

Qachqa pachayuqmi callekunapi purinku. Wasikunapa hawankunapipas, plazakunapipas, manaña sayaypas atinankukamam lliw waqachkanku.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 3:23

espejokunata, linomanta fino pachakunata, uma wanki adornokunata, chaynataq mantillakunatapas. Tukuy chaykunatam chinkachinqa.

Isaías 4:4

Señorqa castigananpaq sentenciaspanmi Sionpi yachaqkunata qachankunamanta chuyanchanqa, Jerusalentam yawar chaqchusqanmanta mayllanqa.

Isaías 57:9

Moloc idolomanmi aceite aparisqa rirqanki, perfumekunatam payman aparqanki; karukunamanraqmi comisionta kacharqanki, wañuqkunapa kasqanmanraqmi uraykachirqanki.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Jeremías 48:37

Lliw runapa umanmi paqlayachisqa kachkan, lliw runapa barbanmi rutusqa kachkan, llapallankum makinkuta ikipakurunku, llapallankum qachqa pachawan churakurunku.

Jeremías 49:3

¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Lamentaciones 2:10

Kuyayllapaq Sionpa ancianonkunapas pampapim upallalla tiyachkanku, umankuman uchpata machqekuykuspam luto pachawan churakurunku. Jerusalenpa sipas wawankunam pampamam kumuykunku.

Ezequiel 27:31

Umankutapas kachiy-kachiytam rutukunqaku, qachqa pachawan churakuspam qaparkachanqaku, qamraykum sonqonkupas nanasqa waqanqaku.

Ezequiel 7:18

Llakimantam qachqa pachawan chura-kunqaku, manchakuymantam katkatatanqaku, uyankupas penqakuymantam pukayanqa, umankutapas kachiy-kachiytam rutukunqaku.

Joel 1:8

Runakunam mana upallaykuspa waqachkanku, sipas kayllanpiraq qosan wañukuptin lutokuruq viuda hinam qaparkachachkanku.

Levítico 26:16

ñoqapas qamkuna ukupim manchapakuyta, wañuchikuq onqoykunata, calenturata, ñawi onqoyta chaynataq eqoyayta rikurirachisaq; yanqapaqmi tarpunkichikpas, tarpusqaykichiktapas enemigoykichikmi mi-kukunqa.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Miqueas 1:16

Jerusalenpi yachaqkuna, wawa-churikichikmanta qaparkachaspa barbaykichikta rutukuychik, ullachku hina paqla uma kanaykichikkama umaykichiktapas ruturachikuychik, ancha kuyasqaykichik wawa-churikichikmi karu llaqtakunaman preso apasqa kanqaku.

Deuteronomio 28:22

Ka-chaykamunqataqmi tisis onqoytapas, ñakarichikuq calenturatapas, punkipakuytapas, sinchi rupaytapas, usyaytapas chaynataq tarpukuynikichikpaq onqoy-kunatapas; chaykunam kay pachamanta chinkanayki punchawkama kanqa.

Deuteronomio 32:24

Yarqaymantam wañunqaku, sinchi calenturawanmi puchukanqaku, millay peste onqoywanmi tukunqaku, mikukuq purun animalkunatawan kachukuq maqta urukunatam paykunaman kachaykusaq.

1~Pedro 3:3

Qamkunapa sumaq kaynikichikqa kachun, amayá hawallaykichikpichu, chukchaykichik ñaqchapakuyllapichu, qorimanta alhajakunawan churakuyllapichu nitaq fino pachawan churakuyllapichu.

Apocalipsis 11:3

Ñoqañataqmi iskay testigoykunata kachasaq, chaynapi qachqa pachawan hinakuykuspanku waranqa iskay pachak soqta chunka punchaw ñoqamanta willakamunankupaq, nispa.

Apocalipsis 16:9

Chaymi llapallan runakuna kañasqa karqaku, ichaqa manam Diosmanpas kutirikurqakuchu nitaqmi yupaycharqakuchu, aswanraqmi paykunaqa kay castigokuna apachimuq Diostapas mana allinkunata rimaspanku kamirqaku.

Apocalipsis 18:9

Kay pachapi paywan huchapakuspa kusikuq reykunapas hatu-hatunta llakikuspam paymanta waqanqaku, kañasqankupa qosniyninta qawaykuspankum waqanqaku.