Isaías 3:2 - CHUYA QELLQA La Biblia en Quechua de Ayacucho 2012

² Tayta Diosmi chinkachinqa qari-qari runakunatawan guerrapi peleaqkunata, juezkunatawan profetakunata, qatipaqkunatawan ancianokunata;

Quechua Ayacucho Bible 1987

² Qechusunkichiktaqmi valeroso runakunatawan guerrapi peleaqkunatapas. Qechusunkichiktaqmi juezkunatawan Diosmanta willakuqkunatapas. Qechusunkichiktaqmi musyaqkunatawan anciano autoridadkunatapas.

Chuya Qellqa 1992

² Tayta Diosmi chinkachinqa qari-qari runakunatawan guerrapi peleaqkunata, juezkunatawan profetakunata, qatipaqkunatawan ancianokunata;

Isaías 3:2 Iomraidhean Croise

1~Crónicas 9:1

Kaynatam Israelpa mirayninkuna, ayllun-ayllun, Israelpi reykunapa libronpi listasqa karqaku. Judá nacionpi runakunam ichaqa, huchallikusqankurayku Babiloniaman apasqa karqaku.

Isaías 3:3

capitankunatawan ancha reqsisqa runakunata, consejaqkunatawan sumaq obra ruwakunata, suerte tikraqkunatawan layqakunatapas.

Ezequiel 17:12

Chay mana kasukuq llaqtata kaynata tapuy: ¿Manachu yachankichik kay rikchanachiypa imam ninanta? nispa. Chaynaqa, paykunaman kaynata niy: Babilonia nacionpa reyninmi Jerusalén llaqtaman hamuruspan reytawan kamachikuqkunata presocharuspan Babilonia nacionman aparurqa.

Ezequiel 17:13

Chaymantam reypa churinta hapirurqa, hinaspam huk contratota ruwaspan payllaman hapipakuspa kasukunanpaq obligaspa jurachirqa. Chaymantam chay nacionpi ancha reqsisqa runakunata aparqa.

Ezequiel 8:12

Hinaptinmi niwarqa: Runapa churin, ¿qawachkankichum Israelpa mirayninmanta kaq ancianonkunapa pakasqallapi imam ruwasqankuta? Sapakamam idolonkupa capillanpi chaykunata ruwachkanku. Paykunam ninku: “Tayta Diosqa manam rikuwanchikchu, llaqtanchiktapas payqa saqerunñam”, nispanku.

Ezequiel 9:5

Wakintañataqmi ñoqa uyarichkaptiy kaynata nirqa: Paypa qepanta rispaykichik wañu-chimuychik, amam pitapas llakipayankichikchu.

Amós 2:3

Chawpinkumanta reyninkuta chinkarachispaymi kamachiqninkunatapas wañurachisaq. Tayta Diosmi chaynata nin.