Isaías 3:14 - CHUYA QELLQA La Biblia en Quechua de Ayacucho 2012

¹⁴ Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Quechua Ayacucho Bible 1987

¹⁴ Tayta Diosmi pleiteanqa runankunapa autoridadninkunata. Tayta Diosmi pleiteanqa runankunapa jefenkunata. Paykunatam ninqa: Qamkunaqa uvas huertaytam tukururqankichik, nispa.

Chuya Qellqa 1992

¹⁴ Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Isaías 3:14 Iomraidhean Croise

Jobwan Sutichasqa Libro 22:4

¿Allin ruwaq kachkaptikichu Dios castigachkasunki? ¿Allin ruwaq kachkaptikichu juicioman pusasuchkanki?

Jobwan Sutichasqa Libro 24:14

Runa wañuchiqmi wakchata wañuchinanpaq tutapayta hatarin, tutañataqmi suwakun.

Jobwan Sutichasqa Libro 24:9

Viudakunamantam ñuñuq wawankuta qechunku, wakchakunamantapas prendakunatam mañanku.

Jobwan Sutichasqa Libro 34:23

Diosqa manam punchawtaqa churanchu qayllanman rispa runa juzgasqa kananpaqqa.

Proverbios 30:14

Kanmi espada kiruyuq miraykuna, kanmi cuchillo waqoyuq runakuna, chaywan kay pachapi wakchakunata mikurunankupaq, allin sonqoyuqkunata tukurunankupaq.

Isaías 10:1

¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Isaías 10:2

Qamkunaqa wakchakunatapas manam nanachikunkichikchu, llaqtaypi ñakariqkunapaqpas manam allin arreglotaqa ruwankichikchu, viudakunapa kapuqnintam suwakunkichik, mana tayta-mamayuqkunapa kapuqnintam qechunkichik.

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Isaías 14:30

Qanmanta puchuqkunatam yarqaymanta wañuchisaq, chaymanta puchuqkunatañataqmi ñutusaq. Wakchakunatam ichaqa allin mikusqata uywasaq, mana imayuqkunañataqmi hawkallaña samakunqaku.

Isaías 26:6

Ñakarichisqa runakunawan wakchakunam paykunataqa sarunqaku.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 30:12

Chayraykum Israelpa Chuya Diosnin kaynata nin: Nisqaykunatam qamkuna wischupakunkichik, runamasikichikta ñakarichiypi hinaspa llullakuypim hapipakunkichik, chaykuna ruwasqaykichikpim hapipakunkichik.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 58:4

Ayunaspaykichikmi peleayllapi kakunkichik, ayunaspaykichikmi quejanakuyllapi kakunkichik, wañuchinakuq hinam qamkunaqa takanakunkichik, ayunaspaykichikqa amayá kunan ruwasqaykichikta hinachu ayunaychik, chaynapi mañakusqaykichikpas hanaq pachapi uyarisqa kananpaq.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 5:27

Imaynam jaulakunata urpikunawan huntachinku, chaynam wasinkutapas suwakusqankuwan huntachinku, chaykunawan apuyaruspankum qari tukuqllaña rikurirunku.

Ezequiel 18:12

wakchakunatawan mana imayuqkunata ñakarichiq, runamasinpa kaqta suwakuq, prenda mañasqantapas hapikuykuq, idolokunapi hapipakuq, millakusqay kaqkunata ruwaq,

Ezequiel 20:35

Nacionkunapa chawpinpi chunniqman pusamuspaymi qamkunata juzgasqaykichik.

Ezequiel 20:36

Imaynam Egipto nacionpa chunniqninpi ñawpaq taytaykichikkunata juzgarqani, chaynam qamkunatapas juzgasqaykichik. Ñoqa Tayta Diosmi chaynata nini.

Levítico 25:14

Pipas chakranta rantikuspaqa otaq rantispanqa amam runamasinta engañanqachu.

Levítico 25:17

Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Miqueas 2:1

¡Ay, imallapiraq rikukunqaku! Puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna.

Miqueas 2:2

Paykunam hukpa chakranta otaq wasintapas munaruspaqa suwaypawan qechuruspa hapikuykunku, dueñontapas aylluntinta ñakarichispam lliw herencianta qechurunku, nispa.

Miqueas 3:3

Llaqtaytam mikuypaq mikunkichik, qaranta chustuspam tulluntapas pakinkichik, timpuchkaq mankapaq otaq rupachkaq hornopaq kuchupachkaq hinam parteparunkichik.

Miqueas 6:10

Mana allin ruwaqpa wasinpiqa hinallaraqmi kachkan engañowan ganasqan qori-qollqepas, mana allin ruwaqpa wasinpiqa hinallaraqmi kachkan millakusqay suwa balanzakunapas.

Mateo 21:33

Kay rikchanachiytawanyá uyariychik: Huk runam chakranpi uvasta plantaruspan muyuriqninta perqarachirqa, vinota ruwananpaqpas huk pozotam ruwachirqa, hinaspam cuidananpaq huk torreta ruwarurqa. Chaymantam chakra llamkaqkunaman arriendakuruspan illarurqa.

Santiago 2:6

Qamkunaqa wakchakunatam usuchirqankichik. ¿Manachum apukunaqa munasqankuta ruwasunkichik hinaspa tribunalkunamanpas aysasunkichik?