Isaías 3:11 - CHUYA QELLQA La Biblia en Quechua de Ayacucho 2012

¹¹ ¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Quechua Ayacucho Bible 1987

¹¹ ¡Ay, mana allin ruraq runaqa imaynaraq kanqa! Mana allin rurasqankunaman hinam Tayta Dios paganqa.

Chuya Qellqa 1992

¹¹ ¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Isaías 3:11 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

2~Samuel 3:39

Chaymi Diospa sapaqchasqan rey kachkaspaypas mana ima ruwayta atinichu Sarviapa wawankuna rumi sonqo munaysapa kasqankurayku. Tayta Diosyá mana allin ruwaqmanqa imam ruwasqanman hina pagapuchun, nispa.

1~Reyes 21:21

Chaymi Tayta Dios kaynata nin: “Kunanmi qanman hatun ñakariyta apamusaq, hinaspam llapa miraynikikunata tukusaq. Israel ukumantam llapallan qari churikikunata chinkachisaq, criado kaqtapas chaynataq libre kaqtapas tukusaqmi, manam pipas puchunqachu.

2~Crónicas 6:23

qanmi hanaq pachamanta uyariykamuspa serviqnikikunata juzganki, mana allin ruwaqtapas castigaspaykim mana allin ruwasqanman hina pagapunki, allin ruwaq runamanmi ichaqa allin ruwayninman hina pagapunki.

Jobwan Sutichasqa Libro 10:15

Huchayuq kaspayqa ¡ay, imaynaraq kasaq! Mana huchayuq kaspaypas manam umaytaqa hoqarisaqchu, uchuychawaspa sinchita ñakarichiwasqaykirayku.

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Proverbios 11:31

Allin kawsakuq runa pagonta kay pachallapiraq chaskiptinqa, aswanraqmi mana allin runawan huchasapapas pagonkutaqa chaskinqaku.

Proverbios 12:14

Runaqa rimasqankunapa rurunwanmi saksan, makinkunawan ruwasqanmantam pagota chaskikun.

Proverbios 26:27

Pipas trampata uchkuqqa kikillanmi chayman wichiykunqa, rumita kuchpaykuq runataqa kuchpasqan rumillam hawanta pasarunqa.

Eclesiastés 8:13

Mana allin runakunam ichaqa sasachakuyllapi kanqaku, manam unaytachu kawsanqakupas; Diosta mana kasukusqankuraykum llantuy hinalla chinkarunqaku.

Isaías 13:11

Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 48:22

Mana allin ruwaqkunapaqmi ichaqa mana hawkayay kanchu. Tayta Diosmi chaynata nin.

Isaías 65:20

Chayllaraq naceq wawakunapas chaypiqa manañam wañunqakuchu, yuyaqkunapas unaytam kawsakunqaku; pachak watayuq kachkaspa wañukuyqa warmallanpiraq wañukuy hinam kanqa; pachak watanman manaraq chayachkaspa wañukuyñataqmi ñakasqapaq hapisqa kanqa.

Isaías 65:6

Tukuy kaykunaqa qayllaypim qellqasqa kachkan, manam qasillallachu kasaq, ruwasqankuman hinam paykunamanqa kutichipusaq.

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 31:30

Pipas puchqo uvasta mikuqpaqa kikinpa kirunmi utukurunqa, chaynataqmi haykam huchallikuqpas huchanmanta wañunqa.

Ezequiel 16:59

Ñoqa Tayta Diosmi kaynata nini: Juramentowan pacto ruwasqanchikta mana kasukusqaykimantam merecesqaykiman hina castigasqayki.

Ezequiel 18:20

Pipas huchallikuqqa wañunqam, taytanpa huchanmantaqa manam churinqa castigasqachu kanqa, churinpa huchanmantapas manataqmi taytanqa castigasqachu kanqa, allin ruwaq runaqa allin ruwasqanmantam pagasqa kanqa, mana allin ruwaq runapas mana allin ruwasqanmantam pagasqa kanqa.

Ezequiel 2:10

Qawachkaptiymi chay libroqa ñawpaqniypi mastariykurqa, hinaptinmi ñawpaqninpipas chaynataq qepanpipas aya takikuna, nanaywan hapichikuykuna hinaspa sasachakuykuna qellqasqa kasqa.

Ezequiel 24:14

Ñoqa Tayta Diosmi chaynata nini, hinaptinqa chaynapunim kanqa. Mana qepaman kutirispam chaynata ruwasaq. Mana llakipayarispam cumplisaq, imaynam kawsasqaykimantawan imam ruwasqaykimantam castigasqayki. Ñoqa Tayta Diosmi chaynata nini.

Ezequiel 33:8

Sichum mana allin ruwaq runata nisaq: “Wañunkipunim” nispa, ichaqa chay mana allin kawsasqanmanta wanakunanpaq chay runata mana rimapayachkaptiki hina huchallanpi wañukunqa, hinaptinqa chay wañukusqanmantam cuentata mañasqayki.

Miqueas 3:4

Huk punchawmi Tayta Diosta qayakunkichik, ichaqa manam uyarisunkichikchu. Tukuy mana allinkunata ruwasqaykichikraykum chay tiempopi qamkunamanta pakakurunqa.

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.

Números 32:23

Nisqaykichikta hina mana ruwaspam ichaqa Tayta Diospa contranpi huchallikunkichik, chaymantaqa cheqaptapunipas castigasqam kankichik.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Jueces 9:57

Siquem llaqtayuq runakunapa tukuy mana allin ruwasqantam, kikinkupa hawanman Tayta Dios kutichipurqa, Jerobaalpa churin Jotampa ñakasqanmi paykunaman chayarurqa.