Isaías 3:10 - CHUYA QELLQA La Biblia en Quechua de Ayacucho 2012

¹⁰ Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Quechua Ayacucho Bible 1987

¹⁰ Niychik allin ruraqkunata: “Allinmi kasunki” nispa. “Allinkuna rurasqaykimantam mikunki” nispa.

Chuya Qellqa 1992

¹⁰ Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Isaías 3:10 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Éxodo 1:20

Parterakunatam Dios favorecerqa chaymi Israel runakuna mirasqankuman hina kallpasapallaña rikurirqaku.

Proverbios 10:6

Allin ruwaq runaqa bendecisqam kanqa, millay runam ichaqa runamasin wañuchiyllata munan.

Proverbios 12:14

Runaqa rimasqankunapa rurunwanmi saksan, makinkunawan ruwasqanmantam pagota chaskikun.

Proverbios 13:21

Sasachakuyqa huchasapakunatam qatikachan, allin ruwaq runakunam ichaqa allin kaqkunawan premiasqa kanqa.

Proverbios 18:21

Wañuypas kawsaypas runapa rimayninpim tarikun, chayta kuyaqqa ruruntam mikunqa.

Eclesiastés 8:12

Kanmi runakuna pachak kutikamaña mana allinta ruwachkaspapas unayta kawsaqkuna, yachanitaqmi Diosta manchakuqkunapas allin kawsakusqankuta.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Jeremías 15:11

¡Dios Taytalláy, chaynayá kachun! Sichum paykunarayku mana mañakurqaykichu, hinaptinqa enemigoykuna sasachakuypi llakikuypi kachkaptinku mana qayakurqaykichu, hinaptinqa ñakawasqankuyá chayawachun.

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 22:15

¿Cedro tablamanta ruwasqa wasipi yachaytachu rey kaypaq hapinki? Taytaykiqa tomaspapas mikuspapas allin arreglotawan cheqap kaqtam ruwarqa, chayraykum ima ruwasqanpas allin lloqsirqa.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Ezequiel 18:20

Pipas huchallikuqqa wañunqam, taytanpa huchanmantaqa manam churinqa castigasqachu kanqa, churinpa huchanmantapas manataqmi taytanqa castigasqachu kanqa, allin ruwaq runaqa allin ruwasqanmantam pagasqa kanqa, mana allin ruwaq runapas mana allin ruwasqanmantam pagasqa kanqa.

Ezequiel 9:4

hinaspanmi nirqa: Jerusalén llaqtapa chawpinkunata muyurimuy hinaspa llaqtapi millakuypaq kaqkuna ruwasqankuta qawaspa llakikuymanta waqaqkunapa urkunpi huk señalta churamuy, nispa.

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Lucas 19:19

Chaymi reyñataq nirqa: “Qampas pichqa llaqtakunatam kamachinki”, nispa.

Deuteronomio 12:25

Yawarta mana mikuspaqa, qamkunapas churikichikkunapas allinmi kankichik. Mana mikuspaqa Tayta Diospa qayllanpim paypa munasqanta ruwachkankichik.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.