Isaías 28:9 - CHUYA QELLQA La Biblia en Quechua de Ayacucho 2012

⁹ Ñoqata kamiwaspankum ninku: ¿Pitataq yachachichkan? ¿Pitataq allin yachachikuykunata entiendechichkan? ¿Anukasqa wawakunatachu? ¿Ñuñuq wawakunatachu?

Quechua Ayacucho Bible 1987

⁹ Paykunam ñoqa Isaiasmanta rimaspanku ninku: ¿Pitataq payqa yachachichkan? ¿Pitataq payqa uyarisqanmanta entiendechichkan? Warmachakunapas kaymanku hinam yachachiwachkanku. Anukasqakunapas kaymanku hinam yachachiwachkanku.

Chuya Qellqa 1992

⁹ Ñoqata kamiwaspankum ninku: ¿Pitataq yachachichkan? ¿Pitataq allin yachachikuykunata entiendechichkan? ¿Anukasqa wawakunatachu? ¿ñuñuq wawakunatachu?

Isaías 28:9 Iomraidhean Croise

Proverbios 1:29

Yachayta wischupakuspa Tayta Diosta mana kasukusqaykichikraykum,

Isaías 2:3

Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”, nispanku. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Isaías 28:26

Diosninmi paytaqa imaynam tarpunanta yachachin.

Isaías 30:20

Tayta Diosqa, ñakariyta mikuchisuspaykipas, llakikuyta tomachisuspaykipas, yachachisuqnikiqa manañam pakakunqañachu, aswanqa ñawikiwanmi qawaykunki.

Isaías 48:17

Reclamaqniki Tayta Diosmi, Israelpa Chuya Diosninmi kaynata nin: Ñoqaqa Diosnikim kani, allinnikipaq yachachiqnikim kani, maynin purinayki qawachiqnikim kani.

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Jeremías 35:13

Israelpa yupaychasqan Tukuy Atiy-niyuq Tayta Diosmi kaynata nin: Judá nacionpi runakunamanwan Jerusalén llaqtapi yachaqkunaman ñoqa Tayta Diospa nisqayta kaynata nimuy: Qamkunaqa nisqaykunata mana kasukuspam corregikuyta mana munankichikchu.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 6:10

Chaymi nirqani: ¿Pitataq rimapayasaq? ¿Pimantaq willasaq? ¿Pitaq uyariwanman? Rinrinkum tapasqa kachkan, chayraykum paykunaqa uyariyta mana atinkuchu; palabraykimantapas penqakunkum, chayraykum mana uyariyta munankuchu.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Marcos 10:15

Cheqaptam nikichik, pipas wawakuna hina Diospa munaychakuyninta mana chaskispanqa, chay munaychakuymanqa manam yaykunqachu, nispa.

Juan 12:38

Chaynapim profeta Isaiaspa nisqan cumplikurqa. Paymi nirqa: Señorlláy, willakusqaykutaqa, ¿pitaq creerqa? Señorqa, ¿pimantaq atiynintaqa reqsichirqa? nispa.

Juan 3:19

Condenasqaqa kachkanku, kay pachaman achkiy hamuchkaptin, tukuy mana allinkunata ruwaspanku tutayaytaraq kuyasqankuraykum.

1~Pedro 2:2

Imaynam naceq wawakuna ñuñuta maskachkaq hinayá Diospa cheqap palabranta maskaychik, chaywan wiñaspa salvo kanaykichikpaq.