Isaías 28:1 - CHUYA QELLQA La Biblia en Quechua de Ayacucho 2012

¹ ¡Ay, Samaria llaqta imaynaraq kanqa! coronanmanta hina Efrainpa alabakunan llaqta, sinkakunapa kanan llaqta, sumaq wayta chakirusqa hina llaqta, tukuy imapa wiñanan qechwapa hanayninpi tarikuq llaqta, vinoman qokuruq runakunapa kanan llaqta.

Quechua Ayacucho Bible 1987

¹ ¡Ay, imaynaraq kanqa Samaria llaqta! Chay llaqtaqa Efrain castapa alabakunan llaqtam, sinkaruspan coronawan uman adornakuq hina llaqtam. Chay llaqtaqa chakisqa wayta hina kachkaspapas Efrain castapa alabakunan llaqtam. Chay llaqtaqa tukuy imapa wiñanan qechwapa hanayninpi kaq llaqtam, vinoman qokuruq runakunapa alabakunan llaqtam.

Chuya Qellqa 1992

¹ ¡Ay, Samaria llaqta imaynaraq kanqa! coronanmanta hina Efrainpa alabakunan llaqta, sinkakunapa kanan llaqta, sumaq wayta chakirusqa hina llaqta, tukuy imapa wiñanan qechwapa hanayninpi tarikuq llaqta, vinoman qokuruq runakunapa kanan llaqta.

Isaías 28:1 Iomraidhean Croise

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Crónicas 28:6

Ñawpaq taytankupa yupaychasqan Tayta Diosta saqerusqankuraykum, Remaliaspa churin rey Pekapas, huk punchawllapi pachak iskay chunka waranqa allinnin qari-qari soldadokunata Judá nacionpi wañurachirqa.

Proverbios 23:29

¿Pipaqtaq ñakariyqa? ¿Pipaqtaq nanayqa? ¿Pipaqtaq piñanakuyqa? ¿Pipaqtaq quejanakuyqa? ¿Pipaqtaq yanqamanta maqanakuyqa? ¿Pipaqtaq ñawi qoyuyachinakuyqa?

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 5:11

¡Ay, imaynaraq kankichik, tutapayta hatarispa upyakuqkuna! ¡Ay, imaynaraq kankichik, sinchi tutakama machakuqkuna!

Isaías 5:22

¡Ay, imaynaraq kanqaku vino upyanankupaq qari tukuqkuna, machachikuq vino chaqruypi mana vencechikuqkuna!

Isaías 8:4

Manaraq chay wawa “taytay” otaq “mamay” nispa rimayta yachach-kaptinmi, Damasco llaqtapa chaynataq Samaria llaqtapa qori-qollqenta Asiria nacionpa reynin apakunqa.

Isaías 9:11

Ichaqa Tayta Diosmi hatarichinqa Rezinpa contranpi enemigonkunata, paymi atacanankupaq enemigonkunata hatarichimunqa.

Isaías 9:8

Tayta Diosmi Jacobpa contranpi rimarirqa, chay rimaymi Israel nacionman chayarqa,

Isaías 9:9

Chaytaqa llaqtantin runam yachanqa. Efrainpiwan Samariapi yachaqkunam, pay tukuspanku, hatun tukuspanku kaynata ninku:

Oseas 4:11

Chuchumika warmikunawan kakuspa vinowan aqawan machakusqankuraykum mana yuyayniyuq rikurirunku.

Oseas 5:5

Hatun tukuq kayninmi Israelpa contranpi declaranqa, huchankuraykum Israelpas chaynataq Efraimpas wichinqaku, paykunawan kuskam Judapas wichinqa.

Oseas 5:9

Israel ayllukunamanmi cheqaptapuni imam pasananmanta willachini, castigasqay punchawmi Efrainpas chinkanqa.

Oseas 6:10

Israel llaqtapim millakuypaq kaqkunata rikurqani, chaypim Efraín waqllikurun, chaypim Israel millakuypaq huchawan inturachikun.

Oseas 7:5

Reypa fiestan punchawpim llapa kamachikuqkuna reyta llumpayta upyarachispa onqorachirqaku, burlakuqnin runakunamanraqmi reyqa makintapas haywarirqa.

Levítico 26:19

Hatun tukuq kaynikichiktapas yanqacharusaqmi, cielokunatam fierrota hina manaña paramunanpaq ruwarusaq, chaynapim allpaykichikpas bronce hinaña rikurirunqa.

Amós 2:12

Ichaqa qamkunam sapaqchakusqay jovenkunatapas vinota tomachispa macharachinkichik, profetaykunatapas ñoqamanta willakunanta harkakuspam siminta wichqarunkichik.

Amós 2:8

Wakchakunapa mana pagayta atispa prenda saqesqanku pachakunapim, altarkunapa waqtanpi chuchumika warmiwan qanrakunku, mana kaqmanta multata cobrasqanku qollqewan vinota rantiykuspam, diosninkuta yupaychananku wasipi machakunku.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 6:1

¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Amós 6:4

Marfilmanta suma-sumaq catrekunapim waqtapankichik, mastakuykuspam puñukunkichik, malta carnerokunatawan malta torokunatam kanchanmanta hurqoykuspa mikukunkichik.

Amós 6:6

Hatun vasokunapim vinota upyakunkichik, suma-sumaq perfumekunawanraqmi llusikunkichik, ichaqa manam llakikunkichikpaschu Joseypa ñakariyninmantaqa.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.