Isaías 27:8 - CHUYA QELLQA La Biblia en Quechua de Ayacucho 2012

⁸ Aswanqa huklaw nacionman presota apachispam paykunataqa ñakarichirqa. Intipa qespimunan lawmanta manchakuypaq pukumuq wayrawan hinaraqmi qarqorurqa.

Quechua Ayacucho Bible 1987

⁸ Merecesqanta hinallam Tayta Diosqa Israel castata castigarqa. Huklaw nacionman presochasqata pusachispam paykunataqa castigarqa. Manchakuypaq wayrawan hinaraqmi paykunataqa aparurqa. Intipa qespimunanmanta pukumuq wayrawan hinaraqmi aparurqa.

Chuya Qellqa 1992

⁸ Aswanqa huklaw nacionman presota apachispam paykunataqa ñakarichirqa. Intipa qespimunan lawmanta manchakuypaq pukumuq wayrawan hinaraqmi qarqorurqa.

Isaías 27:8 Iomraidhean Croise

Jobwan Sutichasqa Libro 23:6

¿Payqa tukuy kallpanwanchu ñoqapa contraypi sayarinman? Manam, payqa aswanraqmi uyariykuwanman.

Isaías 1:5

¿Imanasqataq ñakarichinaytaraq munankichik? ¿Hinallaraqchu mana kasukuq kankichik? Tukuy umaykichikpi heridayuqmi kachkankichik, sonqoykichikpas nanay-nanaymi kachkan.

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Isaías 54:7

“Manam unaypaqchu saqerurqayki, ichaqa llumpay kuyakuywanmi kaqllamanta kuskanchakusun.

Isaías 57:16

Manam wiñaypaqchu llaqtaywan churanakusaq, nitaqmi wiñaypaqchu paykunapaq piñakusaq, mana chayqa llapa runakunawan lliw unanchasqaykunam qayllaypi hukmanyanmanku.

Isaías 64:5

Qamqa kusikuywan allinkuna ruwaqkunamanmi, munasqaykiman hina kawsaqkunaman taripaykunki. Ichaqa unay watakunam huchallapi kawsaspayku piñachirqaykiku, chaynaqa ¿imaynataq salvasqa kaymanku?

Jeremías 10:24

Dios Taytalláy, ama piñakuspayá allin arregloykiman hina corregiykullaway, piñakuspaqa puchukarachiwankimanmi.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 4:11

Chay tiempopim kay llaqtatawan Jerusalenta ninqa: Chunniqpi orqokunamantam rupaq wayra runaykunapa kasqanman pukumuchkan, ichaqa manam pajanmanta trigota limpianapaq wayrachu.

Jeremías 4:27

Tayta Diosmi kaynata nin: Lliw naciontam tuñichisaq, ichaqa manam pasaypaqtachu chinkachisaq.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Lamentaciones 3:31

Señorqa manam wiñaypaqchu runataqa saqerun.

Lamentaciones 3:32

Pitapas llakichispanqa paymantam llakipayarikun, ancha kuyapayakuq kasqanraykum llakipayarikun.

Ezequiel 19:12

Ichaqa piñakuywan chutaruspankum pampaman wischuykurqaku. Intipa qespimunan lawmanta hamuq wayra chakirachiptinmi rurunkunapas wichirurqa, kallmankunapas chakiruptinmi ninamanña wischuykurqaku.

Oseas 13:15

Efraín llaqta musoqmanta hatariptinpas intipa qespimunan lawmantam viento hamunqa, chunniqmantam Diospa wayran hamunqa, yakupa kasqan pukyukunam chakinqa, qori-qollqenkunatapas enemigonkunam apakunqa.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

1~Corintios 10:13

Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

1~Pedro 1:6

Chayraykum qamkunaqa llumpay kusisqa kachkankichik pisi tiempollapas achka sasachakuykunata ñakarinay-chik kachkaptinpas.