Isaías 27:4 - CHUYA QELLQA La Biblia en Quechua de Ayacucho 2012

⁴ Paypaqqa manam piñakunichu. Sichum kichkayuq qorayuq kaptinqa guerrapi peleaq rispaymi lliwta kañaykamuyman.

Quechua Ayacucho Bible 1987

⁴ Chay huertaypaqqa manam piñakunichu ñoqaqa. Kichkakuna otaq cardokuna huertaypi kaptinqa Guerrapi peleaq hina rispaymi kañaykamuyman. Rispaymi pasaypaqta chaykunata kañaykamuyman.

Chuya Qellqa 1992

⁴ Paypaqqa manam piñakunichu. Sichum kichkayuq qorayuq kaptinqa guerrapi peleaq rispaymi lliwta kañaykamuyman.

Isaías 27:4 Iomraidhean Croise

2~Samuel 23:6

Mana allin ruwaqkunaqa kichka hina wischusqam kanqaku, mana pipapas makiwan hoqarinanmi kanqaku.

2~Samuel 23:7

Hoqariyta munaqqa tenazawan otaq lanzawanmi hoqarinqa, hinaspam ninaman wischusqa kaspanku pasaypaqta ruparunqaku, nispa.

Isaías 10:17

Israelpa achkiqnin Tayta Diosmi lenwachkaq ninaman tikrakunqa, huk punchawllapi ruparuspam nacionpi tukuy rikchaq kichkakunatawan qorakunatapas chinkarachinqa.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 33:12

Llaqtakunam uchpayanankukama kañasqa kanqaku, kuchusqa kichkakuna hinam kunununuyllaña ninapi rupanqaku.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Jeremías 29:11

Qam-kunapa allinnikichikpaq imam ruway munasqaytaqa sumaqtam yachani. Qamkunapa allinnikichiktam tanteachkani, manam mana allinnikichiktachu, chaynapi hamuq punchawkunapi hawka kawsakunaykichikpaq. Ñoqa Tayta Diosmi chaynata nini.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Malaquías 4:3

Chay punchawpim mana allin ruwaq runakunata uchpata saruchkaq hina qamkuna sarupankichik. Tayta Diosmi chaynata nin.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Hebreos 6:8

Kichkakunatawan kichkasapa qorakunata wiñachiq allpam ichaqa mana valeq, chayna allpaqa ñakasqa kaspanmi kañasqa kanqa.

2~Pedro 2:9

Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.